Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

РФ і Беларусь выступаюць адзіным фронтам на міжнароднай арэне - Грызлоў

© Sputnik / Виктор ТолочкоПасол РФ у Беларусі Барыс Грызлоў
Пасол РФ у Беларусі Барыс Грызлоў
 - Sputnik Беларусь, 1920, 24.03.2022
Падпісацца на
Yandex newsTelegram
У мінулым годзе беларускі і расійскі бакі падпісалі дакументы, якія далі новы штуршок да развіцця саюзнай інтэграцыі.
МІНСК, 24 сак - Sputnik. Масква і Мінск - саюзнікі, якія выступаюць адзіным фронтам на міжнароднай арэне, заявіў у чацвер пасол Расіі Барыс Грызлоў на ўзнагароджанні дыпломамі слухачоў курса МДІМЗ, перадае карэспандэнт Sputnik.
Паводле яго слоў, сёлета спаўняецца 25 гадоў з моманту падпісання Дагавора аб саюзе Беларусі і Расіі. Ён таксама ўзгадаў аб рэферэндуме, які зраўнаваў у правах рускую і беларускую мовы.
Кіраўнік расійскай дыпмісіі назваў магутным імпульсам падпісанне дакументаў аб далейшай саюзнай інтэграцыі прэзідэнтамі Уладзімірам Пуціным і Аляксандрам Лукашэнкам 4 лістапада мінулага года.
"Ідзе вельмі сур'ёзная карпатлівая праца па збліжэнні нашых эканомік", – асабліва адзначыў Грызлоў.
Пасля чаго нагадаў, што ў бягучым годзе спаўняецца 30 гадоў з моманту ўстанаўлення дыпламатычных адносін паміж Расіяй і Беларуссю.
"За мінулы час удалося наладзіць эфектыўную расійска-беларускую знешнепалітычную каардынацыю", - канстатаваў пасол Расіі. Пры гэтым ён прывёў прыклад, што кожныя два гады краіны падпісваюць праграму ўзгодненых знешнепалітычных дзеянняў.
"Масква і Мінск - саюзнікі, якія выступаюць адзіным фронтам на міжнароднай арэне. Паслядоўныя прыхільнікі далейшай еўразійскай інтэграцыі, фарміравання архітэктуры роўнай і непадзельнай бяспекі ў Еўропе", - падкрэсліў дыпламат.
На думку Грызлова, гэта адпавядае базавым інтарэсам двух народаў, а таксама задачам падтрымання рэгіянальнай стабільнасці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Грызлоў: мільёны жыхароў Украіны не прынялі праект "анты-Расіі"
Грызлоў раскрыў падрабязнасці перамоў з Украінай
Пасол РФ і міністр абароны Беларусі абмеркавалі ваеннае супрацоўніцтва
Стужка навiн
0