Пяскоў аб аплаце за газ у рублях: бясплатна пастаўляць не будзем

© Sputnik / Дмитрий Лельчук / Перайсці ў фотабанкБудаўніцтва газаправода "Паўночны паток - 2" у Германіі
Будаўніцтва газаправода Паўночны паток - 2 у Германіі
 - Sputnik Беларусь, 1920, 28.03.2022
Падпісацца на
Yandex newsTelegram
Зараз механізм аплаты за расійскі газ прапрацоўваецца паміж ведамствамі, механізм складаны, праблемы будуць вырашаць па меры іх паступлення.
МІНСК, 28 сак - Sputnik. Прэс-сакратар прэзідэнта Расіі Дзмітрый Пяскоў адказаў на пытанне, што будзе, калі Захад адмовіцца плаціць за газ расійскімі рублямі.
Ён нагадаў, што працэс паставак "вельмі і вельмі складаны", аднамаментна не вырашыцца.
"Гэта не купля нейкага тавара ў краме, дзе вы купляеце і на касе расплачваецеся, таму гэта і пастаўкі, і аплата, і падвядзенне балансаў, гэта працэс, расцягнуты па часе. Цяпер усе мадальнасці як раз прапрацоўваюцца", – цытуе Пяскова РІА Навіны.
Паводле яго слоў, зараз вызначаюцца тэрміны пераходу на новы спосаб аплаты, пытанне абмяркоўваецца з профільнымі ведамствамі. Але што, калі Еўропа адмовіцца плаціць за газ на ўмовах Расіі - у рублях?
"Будзем вырашаць пытанні па меры іх паступлення. Тое, што мы не будзем бясплатна пастаўляць газ, гэта адназначна. Гэта можна сказаць з абсалютнай упэўненасцю. Усё ж такі ў нашай сітуацыі займацца ўсееўрапейскай дабрачыннасцю наўрад ці магчыма і наўрад ці мэтазгодна", – дадаў Пяскоў.
У сераду 23 сакавіка расійскі лідэр Уладзімір Пуцін падчас нарады з урадам абвясціў аб пераходзе на рублі ў разліках за пастаўкі газу ў "недружалюбныя краіны" – на працягу тыдня Цэнтрабанк і ўрад РФ павінны вызначыць парадак аперацый у расійскай валюце.
Расія пастаўляе каля 40% спажыванага ў Еўропе газу па "Паўночнай плыні", газатранспартнай сістэме Украіны, "Ямалу-Еўропе" і "Турэцкай плыні".

Аб перамовах РФ і Украіны

Прэс-сакратар расійскага прэзідэнта чарговы раз падкрэсліў аб адсутнасці прагрэсу ў перагаворах дэлегацый Расіі і Украіны. Пры гэтым адзначыў іх важнасць і нагадаў, што расійскі бок прытрымліваецца тактыкі невыдавання якіх-небудзь падрабязнасцей - гэта можа нашкодзіць перагаворам.
"Пакуль аб прагрэсе гаварыць не можам і не будзем. Сам факт, што перагаворы ў вочным фармаце было вырашана прадоўжыць, гэта важна, безумоўна", – дадаў Пяскоў.
Ён таксама дадаў, што пасля чарговага раўнда перагавораў у Стамбуле пакуль не трэба чакаць сустрэчы прэзідэнтаў Расіі і Украіны.

Пра катаванні расійскіх вайскоўцаў

Акрамя таго, Дзмітрый Пяскоў звярнуў увагу на відэа, дзе, як мяркуецца, адлюстраваны катаванні расійскіх ваеннаслужачых украінскімі. Ён назваў гэта "жахлівымі кадрамі" і запэўніў, што ўсе факты будуць правярацца - СК Расіі гэтым ужо займаецца.
"Дастаткова жахлівыя кадры, безумоўна, яны маюць патрэбу ў прававой ацэнцы. І тыя, хто прымаў удзел у гэтых катаваннях, безумоўна, падлягаюць пераследу, яны павінны панесці адказнасць за свае дзеянні", - дадаў прэс-сакратар прэзідэнта РФ.
>>> Самая актуальная інфармацыя – у Telegram-канале Sputnik Беларусь
Таксама на Sputnik:
У Еўракамісіі адказалі, ці будзе Еўрасаюз плаціць Расіі за газ у рублях
Расія будзе прадаваць свой газ толькі за рублі
ЕАЭС цалкам адмовіцца ад долара і еўра - міністр Глазьеў
Стужка навiн
0