Крэмль: схема разліку за расійскі газ у рублях гатова

© Sputnik / Сергей Гунеев / Перайсці ў медыябанкПрэс-сакратар прэзідэнта РФ Дзмітрый Пяскоў
Прэс-сакратар прэзідэнта РФ Дзмітрый Пяскоў
 - Sputnik Беларусь, 1920, 31.03.2022
Падпісацца на
НовостиTelegram
Расійскі бок застаецца прыхільным да ўсіх абавязацельстваў па газавых дагаворах, у тым ліку па колькасці паставак і іх цане, заявіў Дзмітрый Пяскоў.
МІНСК, 31 сак - Sputnik. Схема разліку за расійскі газ у рублях гатова і будзе абнародавана ў бліжэйшы час, заявіў у чацвер прэс-сакратар прэзідэнта РФ Дзмітрый Пяскоў.
"Так, гэта сапраўды так", - адказаў ён на пытанне, ці прадставілі схему разліку за газ у рублях прэзідэнту РФ Уладзіміру Пуціну.
Ён таксама дадаў, што гэтая схема "зусім хутка" будзе прадстаўлена грамадскасці" - "у тым ліку і сёння можна чакаць".
Пры гэтым Пяскоў адзначыў, што Расія застаецца прыхільная ўсім абавязальніцтвам па газавых дагаворах - уключаючы колькасць паставак і іх кошт.
"Дэ-факта для атрымальнікаў расійскага газу, якія аплачваюць гэтыя пастаўкі, фактычна ніякіх змяненняў не будзе. У любым выпадку яны набываюць рублі на тую ж валюту, якая ўказана ў дагаворах", - падкрэсліў прэс-сакратар расійскага лідэра.
Ён таксама паведаміў, што напярэдадні памочнік прэзідэнта РФ Максім Арэшкін распавёў памочніку канцлера ФРГ па эканамічных пытаннях аб нюансах пераводу аплаты за расійскі газ на рублі.
Акрамя таго, падчас размовы з канцлерам Германіі Олафам Шольцам, якая адбылася ў сераду, прэзідэнт РФ "дастаткова падрабязна" праінфармаваў яго аб аплаце паставак газу ў рублях.
"Вельмі падрабязныя былі дадзены тлумачэнні, але, каб гэтыя тлумачэнні прызямліць на больш экспертны ўзровень, Пуцін даручыў па выніках размовы памочніку прэзідэнта Арэшкіну патэлефанаваць памочніку па эканамічных пытаннях канцлера Кукісу, што Арэшкін і зрабіў", – заявіў Дзмітрый Пяскоў. Размова памочнікаў двух лідэраў, паводле слоў Пяскова, адбылася позна вечарам у той жа дзень.
Нагадаем, 23 сакавіка расійскі прэзідэнт Уладзімір Пуцін падчас нарады з урадам аб'явіў аб пераходзе на рублі ў разліках за пастаўкі газу ў "недружалюбныя краіны". Цэнтрабанку і ўраду РФ была пастаўлена задача вызначыць парадак аперацый у расійскай валюце на працягу тыдня.
Расія пастаўляе каля 40% спажыванага ў Еўропе газу па "Паўночнай плыні", газатранспартнай сістэме Украіны, "Ямалу-Еўропе" і "Турэцкай плыні".
Прэс-сакратар прэзідэнта РФ Дзмітрый Пяскоў заявіў, што Расія не будзе займацца дабрачыннасцю і адпраўляць у Заходнюю Еўропу газ бясплатна.
>>> Больш актуальных навін – у Telegram-канале Sputnik Беларусь
Таксама на Sputnik:
Пяскоў аб аплаце за газ у рублях: бясплатна пастаўляць не будзем
У Еўракамісіі адказалі, ці будзе Еўрасаюз плаціць Расіі за газ у рублях
Расія будзе прадаваць свой газ толькі за рублі
Стужка навiн
0