Пуцін: Захад спрабуе перакласці памылкі ў эканоміцы на Расію

© Sputnik / Михаил Климентьев / Перайсці ў фотабанкУладзімір Пуцін
Уладзімір Пуцін
 - Sputnik Беларусь, 1920, 05.04.2022
Падпісацца на
Yandex newsTelegram
Сітуацыя на глабальным рынку харчавання за апошнія два гады адчувальна ўскладнілася, заявіў Уладзімір Пуцін.
МІНСК, 5 кра - Sputnik. Захад у чарговы раз спрабуе перакласці свае ўласныя памылкі ў сферы эканомікі на Расію, заявіў прэзідэнт РФ Уладзімір Пуцін у аўторак на нарадзе па падтрымцы аграпрамысловага комплексу (АПК).
Сітуацыя на глабальным рынку харчавання за апошнія два гады адчувальна ўскладнілася, звярнуў увагу расійскі лідэр, падкрэсліўшы, што тэндэнцыя назіраецца менавіта апошнія два гады.
"Памылкі ў эканамічнай, энергетычнай, харчовай палітыцы развітых краін прывялі да рэзкага росту цэн на прадукты харчавання ва ўсім свеце яшчэ два гады таму. І сітуацыя апошнія тыдні толькі пагаршаецца", - канстатаваў расійскі лідэр.

Праблемы з харчаваннем

Пры гэтым Захад працягвае ўводзіць новыя санкцыі, хаця запасы харчавання ў свеце мінімальныя.
"Блакіруецца работа прадпрыемстваў і лагістыка паставак удабрэнняў з Расіі і Беларусі", - прывёў прыклад Уладзімір Пуцін. І дадаў, што ўласная вытворчасць удабрэнняў у заходніх краінах таксама змяншаецца. Прычына гэтаму - высокія цэны на прыродны газ, "што з'яўляецца таксама вынікам іх дзейнасці насамрэч, нашых партнёраў на Захадзе".
У такой сітуацыі, лічыць прэзідэнт РФ, развітыя краіны паспрабуюць "перакупіць, перацягнуць на сябе патокі харчавання" - што непазбежна прывядзе да абвастрэння дэфіцыту прадуктаў харчавання ў найбольш бедных краінах, выкліча новыя хвалі міграцыі і стане прычынай далейшага росту коштаў на прадукты харчавання.

Імпартазамяшчэнне ў Расіі

У гэтым кантэксце Уладзімір Пуцін заявіў, што Расія павінна абараніць свой унутраны рынак ад перападаў кан'юнктуры і скокаў коштаў на глабальным рынку харчавання.
"Трэба паставіць дакладныя арыенціры па імпартазамяшчэнні і настойліва іх дабівацца ўжо ў найбліжэйшы час. З улікам патэнцыялу айчыннага АПК, нашай навукі, прамысловасці, усе магчымасці для гэтага ў нас ёсць", - сказаў Пуцін.
Паводле яго слоў, асаблівую ўвагу трэба звярнуць на насенне, племянную прадукцыю, вітаміны, кармавыя дабаўкі, сродкі аховы раслін.
"Неабходна мінімізаваць негатыўныя знешнія эфекты для нашых грамадзян, павялічыць у Расіі выпуск і пастаўку на ўнутраны рынак якасных даступных па цане прадуктаў харчавання, у тым ліку і рыбную прадукцыю. Гэта ключавая задача на бягучы год. Пры гэтым стратэгічна важна скарачаць залежнасць айчыннага АПК і рыбнай галіны ад імпартных закупак, пры чым па ўсім ланцужку, што называецца ад поля да прылаўка", - дадаў расійскі лідэр.

Энергетычны сектар

Адначасова з гэтым пагаршаецца сітуацыя ў энергетычным сектары, звярнуў увагу расійскі лідэр.
Прычына - нярынкавыя, грубыя меры, у тым ліку адміністрацыйнага ціску на расійскую кампанію "Газпром" у шэрагу еўрапейскіх краін.
"Мы назіраем іх, нашых партнёраў, чарговую спробу перакласці свае ўласныя памылкі ў сферы эканомікі і энергетыкі на Расію і вырашаць пытанні і праблемы, якія ўзнікаюць у сувязі з гэтым, зноў за наш кошт", – заявіў Уладзімір Пуцін.
Пры гэтым, звярнуў увагу прэзідэнт РФ, некаторыя афіцыйныя асобы ўжо заявілі аб магчымасці нацыяналізацыі некаторых расійскіх актываў.
"Ну так мы далёка зойдзем! Няхай ніхто не забывае, што гэта ўзаемная зброя", – пракаменціраваў такі варыянт развіцця падзей Пуцін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Крэмль заклікаў не спяшацца з агульнымі абвінавачваннямі па сітуацыі ў Бучы
Мінабароны РФ агучыла сваю версію здарэння ў Бучы
Мядзінскі назваў абавязковую ўмову для сустрэчы Пуціна і Зяленскага
Стужка навiн
0