Цягнікоў на майскія святы будзе больш - у тым ліку за мяжу

© Sputnik / Виктор ТолочкоЭлектрацягнік БЧ
Электрацягнік БЧ - Sputnik Беларусь, 1920, 19.04.2022
Падпісацца на
Yandex newsTelegram
Білеты на дадатковыя "святочныя" саставы ўжо можна набыць у чыгуначных касах краіны.
МІНСК, 19 кра - Sputnik. Беларуская чыгунка на перыяд майскіх свят прызначыла больш за 100 дадатковых цягнікоў, паведамілі ў прэс-службе БЧ.
Так, 29-30 красавіка дадаткова назначаны цягнік з Мінска ў Санкт-Пецярбург і назад. Цягнік адправіцца з беларускай сталіцы 29 красавіка ў 19.15, а прыбудзе ў Санкт-Пецярбург раніцай наступнага дня ў 9.20. У зваротным напрамку поезд адправіцца з паўночнай сталіцы Расіі 30 красавіка ў 14:26 і прыбудзе ў Мінск 1 мая ў 5:08.
Таксама ў перыяд з 29 красавіка па 10 мая дадатковыя цягнікі будуць курсіраваць паміж Мінскам і Брэстам, Гомелем і Жлобінам.
Раней БЧ на час гэтых святаў прызначыла 75 дадатковых цягнікоў. Усяго ж гэтымі днямі будуць курсіраваць 105 дадатковых саставаў. Білеты на іх ужо ў продажы.

Новыя магчымасці

Цяпер з Мінска на цягніку можна адправіцца ў Маскву, Адлер, Санкт-Пецярбург і Калінінград. З 19 сакавіка стартаваў продаж білетаў і на цягнікі да Анапы.
Акрамя таго, цягнікамі БЧ можна з'ехаць на курорты Краснадарскага краю, такія як Адлер, Сочы, Туапсэ.
Цягнік з Мінска і Адлера курсіруе на працягу ўсяго года па няцотных чыслах.
Таксама штодзённы цягнік Масква - Сімферопаль, які едзе праз Смаленск, зараз будзе рабіць прыпынак і ў Мінску. Гэты цягнік праз беларускую сталіцу ў напрамку паўвострава будзе хадзіць пачынаючы з 26 мая. У Мінску будуць прычапляцца два пасажырскія вагоны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Новыя цягнікі і аўтобусныя маршруты запускаюцца паміж Расіяй і Беларуссю
Беларусам больш не патрэбны ПЦР для ўезду ў Расію
Здымаюцца ўсе абмежаванні на перамяшчэнне паміж Расіяй і Беларуссю
Стужка навiн
0