ЕЭК назвала магчымую долю разлікаў у нацвалютах да канца года

© Sputnik / Виктор ТолочкоСцяг ЕАЭС
Сцяг ЕАЭС - Sputnik Беларусь, 1920, 20.04.2022
Падпісацца на
Yandex newsTelegram
Пашырэнне выкарыстання нацыянальных валют ва ўзаемным гандлі - адна з мер па павышэнню ўстойлівасці эканомік краін ЕАЭС.
МІНСК, 20 кра – Sputnik. Доля разлікаў у нацыянальных валютах ва ўзаемным гандлі паміж краінамі Еўразійскага эканамічнага саюза можа павялічыцца да канца 2022 года да 85% і вышэй, паведаміла сёння на брыфінгу афіцыйны прадстаўнік ЕЭК Ія Малкіна.
Паводле яе інфармацыі, ва ўнутраных узаемных разліках плацяжы ў нацыянальных валютах паступова павялічваюцца: з 63% у 2013 годзе да 74% паводле апошніх справаздачных звестак. Пры гэтым доля долара знізілася з 30% у 2013 годзе да 19% у 2021 годзе. Большая частка разлікаў прыпадае на расійскі рубель.
Прадстаўнік камісіі таксама паведаміла, што шэраг практычных крокаў ужо зроблены па пераходзе ў разліках да выкарыстання нацвалют. Так, напрыклад, Арменія ўжо пачала плаціць за расійскі газ у рублях, аб пераходзе на разлікі за нафту і газ у рублях таксама заявіў прэм'ер-міністр Беларусі Раман Галоўчанка.
"Энергетычныя рэсурсы займаюць адчувальную долю ва ўзаемным гандлі. Калі пераход на разлікі ў нацыянальных валютах апынецца паспяховым, то, паводле ацэнкі камісіі, можна чакаць росту іх долі да 85% або вышэй", – падзялілася прагнозамі Ія Малкіна.

Пераход у разліках на расійскі рубель

Раней Малкіна заявіла, што Еўразійскі эканамічны саюз не плануе пакуль адмаўляцца ад долара і еўра і поўнасцю пераходзіць у разліках на расійскі рубель.
Цяпер, паводле яе інфармацыі, перад краінамі ЕАЭС стаіць задача пашырыць і прастымуляваць выкарыстанне пры разліках паміж сабой нацыянальных валют.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Малкіна: ЕАЭС не плануе пераходзіць у разліках на расійскія рублі
Беларусам абяцаюць знізіць цэны на газ
Пяскоў - пра санкцыі, аплату за газ і будучыню долара
Стужка навiн
0