Белорусская АЭС - Sputnik Беларусь, 1920, 07.07.2021
БелАЭС
Беларускую атамную станцыю ў Астраўцы называюць "будоўляй стагоддзя". Хто падтрымлівае АЭС? Хто выступае супраць яе функцыянавання? Які ўплыў на эканоміку Беларусі акажа станцыя пасля фінальнага запуску? Апошнія навіны пра будаўніцтва БелАЭС - у матэрыялах Sputnik.

Мінэнерга аб фізпуску другога энергаблока БелАЭС: яшчэ шмат працы

© БелАЭСБелАЭС
БелАЭС - Sputnik Беларусь, 1920, 26.04.2022
Падпісацца на
Yandex newsTelegram
"Расатам" заявіў аб фізічным пуску другога энергаблока на Беларускай АЭС у Астраўцы. Аднак гэтаму папярэднічае працяглы перыяд выпрабаванняў, і ён усё яшчэ працягваецца.
МІНСК, 26 кра - Sputnik. Міністэрства энергетыкі Беларусі пракаменціравала раней зробленую заяву "Расатама" аб фізічным пуску другога энергаблока БелАЭС.
Так, у ведамстве падкрэслілі, што праграма работ у рамках этапа фізічнага пуску блока - працэс працяглы, і ён усё яшчэ працягваецца.
Гэты працэс прадугледжвае шырокі спектр розных выпрабаванняў тэхналагічных сістэм. "Бо галоўная задача этапа - пацвердзіць працаздольнасць усяго абсталявання энергаблока і пераканацца ў тым, што ён будзе працаваць бяспечна. У спецыялістаў яшчэ шмат работы", - адзначылі ў Мінэнерга.
Раней кіраўнік карпарацыі "Расатам" Аляксей Ліхачоў заявіў аб фізічным пуску другога энергаблока на Беларускай АЭС. Ён таксама выказаў спадзяванне, што да канца гэтага года атрымаецца здаць яго ў прамысловую эксплуатацыю.
Тым часам першы энергаблок, які напярэдадні быў часова спынены для частковай перагрузкі свежага ядзернага паліва, выпрацаваў з моманту свайго пуску 9,3 млрд кВт.гадз электраэнергіі.

Беларуская АЭС

Атамная электрастанцыя ў Астраўцы будуецца па расійскім праекце "ВВЭР-1200", які адпавядае ўсім нормам бяспекі МАГАТЭ.
БелАЭС складаецца з двух энергаблокаў, магутнасць кожнага - 1200 МВт. Фізічны пуск першага энергаблока адбыўся ў жніўні 2020 года, у агульную энергасістэму краіны яго ўключылі ў лістападзе таго ж года.
Цяпер БелАЭС выпрацоўвае 22% ад агульнага аб'ёму электраэнергіі ў рэспубліцы, а з уводам другога энергаблока яе доля ў энергабалансе краіны складзе 40%.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
На БелАЭС запусцілі другі энергаблок - Расатам
Стала вядома, колькі газу зэканоміў запуск БелАЭС
На ранейшым узроўні: як БелАЭС уплывае на тарыфы электраэнергіі
Стужка навiн
0