Ці можна нарыхтоўваць драўніну з чарнобыльскай зоны? Што кажа МНС

© Pixabay/congerdesignВырубка лесу
Вырубка лесу - Sputnik Беларусь, 1920, 03.05.2022
Падпісацца на
Yandex newsTelegram
Эканамічнае развіццё тэрыторый, якія пацярпелі ў выніку чарнобыльскай катастрофы, традыцыйна пад пільным кантролем прэзідэнта. Частка земляў паступова вяртаецца ў абарачэнне, але заўсёды пад увагай адпаведных служб.
МІНСК, 3 мая - Sputnik. У раёнах, якія пацярпелі ад выбуху на Чарнобыльскай АЭС, ёсць доследна-эксперыментальныя зоны, дзе вядзецца гаспадарчая дзейнасць, яны знаходзяцца пад пільным кантролем, запэўніў міністр надзвычайных сітуацыя Вадзім Сіняўскі.
Ён адзначыў, што кожны год аднаўляецца 340 гектараў лесу, да 2030 года ў планах пасадзіць больш за 31 тысячу га. Нешта ідзе на нарыхтоўку. Ці можна выкарыстоўваць драўніну з такіх тэрыторый?
"Калі ідзе нарыхтоўка лесу, у кары дрэва знаходзіцца адпаведная доза радыяцыі. Але, калі здымаецца кара і даследуецца сам ствол дрэва, то ён знаходзіцца ў дапушчальных патрабаваннях па норме радыяцыі", - адзначыў Вадзім Сіняўскі.
У мінулым годзе Камітэт дзяржкантролю вызначыў, што 456 тысяч кубаметраў драўніны з чарнобыльскіх зон можна нарыхтоўваць. Праўда, ёсць асаблівы кантроль па дозе радыяцыі. Спачатку вызначаюцца месцы высечкі, потым на лесапільні дрэва зноў даследуецца, яшчэ раз - на вытворчасці ў спецыяльных цэхах.
Міністр таксама падкрэсліў, што ў такіх доследна-эксперыментальных зонах заўсёды ідзе пільны кантроль за гаспадарчай дзейнасцю: ніякіх праблем не ўзнікала.
"Лесанарыхтаваннем займаюцца, пчалярствам людзі займаюцца, рыбалоўства праводзіцца на роўнядзі ракі Прыпяць нават на гэтай тэрыторыі. Усё гэта дапушчальна і ніякіх праблем у гэтым плане няма. Тыя тэрыторыі гаспадарак, якія прылягаюць да запаведніка, - яны таксама знаходзяцца пад асаблівым кантролем. Фон там не змяніўся", - запэўніў Сіняўскі.
29 красавіка Аляксандр Лукашэнка наведваў пацярпелыя ў выніку чарнобыльскай катастрофы раёны - робіць ён гэта кожны год.
На гэты раз прэзідэнт прыляцеў у Чачэрскі раён, дзе абмяркоўваў ход веснавых палявых работ і развіццё рэгіёнаў з высокім узроўнем радыеактыўнага забруджвання. Ён зазначыў, што дзяржава будзе рабіць усё для развіцця пацярпелых у выніку аварыі на ЧАЭС тэрыторый, а таксама запэўніў, што скарачаць аб'ёмы дзяржпадтрымкі жыхароў пацярпелых раёнаў дзяржава не плануе.
Пры гэтым Лукашэнка падкрэсліў, што гэтыя раёны добра аднаўляюцца.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Чытайце таксама:
Мінлясгас расказаў, колькі нарыхтуюць лесу ў 2022 годзе
Пошук альтэрнатыў: "Беллеспаперапрам" распавёў аб развіцці ва ўмовах санкцый
У Беларусі ўсё больш забарон на наведванне лясоў
Стужка навiн
0