"Пра ўсё кажу проста ў лоб": Лукашэнка распавёў пра адносіны з Пуціным

© Photo : пресс-служба президента РБПрэзідэнт РФ Уладзімір Пуцін і прэзідэнт Беларусі Аляксандр Лукашэнка
Прэзідэнт РФ Уладзімір Пуцін і прэзідэнт Беларусі Аляксандр Лукашэнка
 - Sputnik Беларусь, 1920, 05.05.2022
Падпісацца на
НовостиTelegram
Аляксандр Лукашэнка лічыць, што ў яго з Пуціным самыя лепшыя адносіны, якія могуць быць паміж кіраўнікамі дзвюх незалежных дзяржаў.
МІНСК, 5 мая - Sputnik. Беларускі лідэр Аляксандр Лукашэнка мяркуе, што ў яго склаліся з прэзідэнтам Расіі Уладзімірам Пуціным вельмі адкрытыя і сяброўскія адносіны.
"Я сумняваюся, што ва Уладзіміра Пуціна ёсць больш цесныя, адкрытыя і сяброўскія адносіны з кім-небудзь з сусветных лідараў, чым з прэзідэнтам Беларусі", - падзяліўся ён у інтэрв'ю інфармацыйнаму агенцтву Associated Press.
Прэзідэнт Беларусі таксама паспрабаваў ахарактарызаваць стыль сваіх зносін з кіраўніком расійскай дзяржавы. Ён расказаў, што пра ўсё гаворыць Уладзіміру Пуціну "прама, у лоб, як старэйшаму брату". Зразумела, у гэтых зносінах, паводле слоў Лукашэнкі, няма месца нахабству ці хамству.
"У нас вельмі дастойныя, сумленныя і адкрытыя адносіны, асабліва цяпер", - дадаў ён.

Абсалютна ўнікальныя адносіны

Раней аб адносінах лідэраў Беларусі і Расіі выказваўся і прэс-сакратар расійскага прэзідэнта Дзмітрый Пяскоў. Ён назваў іх унікальнымі, хаця прызнаў, што часта Пуцін і Лукашэнка размаўляюць адзін з адным у жорсткай форме.
Паводле яго слоў, кіраўнікі дзяржаў разумеюць сутнасць таго, што адбываецца ў краінах і вакол нас, "як ніхто іншы".
У чацвер беларускі лідэр даў інтэрв'ю віцэ-прэзідэнту Associated Press Іану Філіпсу.
Гутарка беларускага прэзідэнта з прадстаўніком агенцтва працягнулася паўтары гадзіны. Акрамя сваіх адносін з Пуціным, Лукашэнка расказаў аб раптоўнай праверцы ўзброеных сіл краіны і падзяліўся сваімі думкамі аб ваеннай спецаперацыі ва Украіне. Прэзідэнт таксама паразважаў, ці можа сёння ў канфлікце Расіі і Украіны спрацаваць дыпламатыя і выказаў сваё меркаванне аб украінскім прэзідэнце Зяленскім.
Беларускі лідэр таксама адказаў на пытанне, ці магчыма прымяненне ядзернай зброі і дзе чырвоныя лініі. Акрамя таго, размова ішла аб эканоміцы і санкцыях, а таксама аб сітуацыі ўнутры краіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка: Беларусь робіць усё, каб вайны паміж Украінай і Расіяй не было
Абсалютна ўнікальныя: Пяскоў распавёў пра адносіны Пуціна і Лукашэнкі
Лукашэнка: перамоваў па Украіне без Беларусі быць не можа
Стужка навiн
0