Мінздароўя паабяцала нізкія цэны на платныя паслугі ў дзяржклініках

© Sputnik / Александр Кряжев / Перайсці ў фотабанкВымярэнне ціску
Вымярэнне ціску
 - Sputnik Беларусь, 1920, 06.05.2022
Падпісацца на
Yandex newsTelegram
У некалькіх мінскіх буйных лякарнях і РНПЦ вырашана дадаць магчымасць атрымання платных паслуг у выхадныя і святочныя дні.
МІНСК, 6 мая - Sputnik. Платныя паслугі ў дзяржаўных клініках абыдуцца ў 2-2,5 разы танней, чым у прыватных, пра гэта заявіў кіраўнік Міністэрства аховы здароўя Дзмітрый Піневіч, паведамляе прэс-служба ведамства.
Нагадаем, правесці эксперымент на базе некалькіх сталічных бальніц і РНПЦ вырашылі напрыканцы красавіка. Пацыентам будзе прапанавана магчымасць атрымаць платныя паслугі ў выхадныя і святочныя дні (раней так было можна толькі ў паліклініках).
Праз год падвядуць вынікі і паглядзяць, ці апраўдала сябе новаўвядзенне.
"Безумоўна, мы будзем глядзець за цэнамі. Цэны, адназначна, будуць у 2-2,5 разы ніжэйшыя, чым у прыватным сектары, з майго пункту гледжання", - заявіў Дзмітрый Піневіч.
Варта адзначыць, што наведванне лекараў па платным запісе ў дзяржпаліклініках заўсёды было танней, чым прыватных медцэнтрах, прычым істотна, а часам нават у 3-4 разы (пачынаючы ад прыёму спецыялістаў і заканчваючы правядзеннем МРТ, УГД, заборм аналізаў і іншымі відамі медыцынскіх паслуг).
Ад эксперыменту чакаюць не толькі дадатковых выгод для пацыентаў, але і дадатковага прыбытку для ўстаноў аховы здароўя. "Безумоўна, мы зацікаўлены ў тым, каб нашы медыцынскія работнікі атрымалі дадатковую заработную плату менавіта ў тых установах, дзе яны працуюць на пастаяннай аснове", - дадаў кіраўнік Міністэрства аховы здароўя.
Эксперымент з платнымі паслугамі стартаваў з 1 мая. У пералік увайшлі 18 бальніц і РНПЦ. Тут будуць прымаць пацыентаў на платнай аснове ў святы і выхадныя дні. Беларусы змогуць атрымаць платныя медыцынскія паслугі, якія адносяцца да планавай першаснай, спецыялізаванай, высокатэхналагічнай медыцынскай дапамогі, акрамя медпаслуг, што аказваюцца дзецям, і па трансплантацыі органаў і тканак.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Хранічная недастатковасць: урачоў у Беларусі становіцца ўсё менш
КДК заклікаў аптавікоў знізіць кошты на лекі - ці прымуць меры
Міністэрства аховы здароўя: перабояў з пастаўкамі лекаў і медабсталявання няма
Стужка навiн
0