Лукашэнка: Ландсбергісы, Лінкявічусы і іншыя – гэта пена, яна схлыне
14:55 09.05.2022 (абноўлена: 15:03 09.05.2022)
© Sputnik / Виктор Толочко
Падпісацца
Ён таксама адзначыў, што беларуская дзяржава дастаткова паспяхова спраўляецца з санкцыйным ціскам з боку калектыўнага Захаду.
МІНСК, 9 мая – Sputnik. Прэзідэнт Беларусі Аляксандр Лукашэнка заявіў, што Мінск гатоў дапамагаць звычайным літоўцам з пастаўкай тавараў, нягледзячы на пазіцыю афіцыйных Рыгі і Вільнюса.
Такім чынам ён адказаў на словы падзякі прадстаўніцы Літвы, якая падзякавала яму за адкрыццё мяжы.
"Арганізуйцеся і скажыце, у які пункт на мяжу вам прывезці ўдабрэнні, крупы, соль і іншае. Мы гэта зробім. Таму што Літва – гэта міралюбівыя, добрыя, прыстойныя людзі. Такія, як беларусы. А вось гэтыя ўсе вашы Ландсбергісы, Лінкявічусы і іншыя – гэта пена. Яна схлыне. Гэта вар’яты", - сказаў кіраўнік дзяржавы падчас падыходу да прэсы на плошчы Перамогі ў Мінску.
Паводле яго слоў, лідары гэтых дзяржаў, уводзячы санкцыі супраць Беларусі, тым самым шкодзяць і сваім народам.
"Ну хочаце вы з намі ваяваць эканамічна, ваюйце. Але навошта свайму народу дрэнна рабіць?! Гэта вар’яты, якія жыцця не ведаюць", - сказаў беларускі прэзідэнт, адзначыўшы, што ў такой сітуацыі "пакутуюць звычайныя людзі".
Лукашэнка таксама закрануў сітуацыю з беларускімі санаторыямі ў гэтых краінах.
"Да чаго дайшлі: там, дзе чарнобыльцаў мы аздараўлялі – санаторыі нашы ў Латвіі і Літве – канфіскаваць сабраліся. Ну, калі збяднелі да такой ступені, забірайце. Але толькі ведайце, што ў гэтага працэсу два канцы. Вы ўдарыце адным нас – атрымаеце бумерангам з другога боку", - сказаў кіраўнік беларускай дзяржавы.
Ён таксама адзначыў, што беларуская дзяржава дастаткова паспяхова спраўляецца з санкцыйным ціскам.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка: перамога ў ВАВ стала часткай нацыянальнай ідэі Беларусі
Шэсце пакаленняў: Дзень Перамогі святкуюць у Мінску – відэа
Беларусь будзе ўсяляк падтрымліваць Расію – Лукашэнка
Не спрабуйце размаўляць з намі з пазіцыі сілы – Лукашэнка папярэдзіў НАТА
Пуцін: Расія дала папераджальны адпор агрэсіі
