Военнослужащие РФ возле здания Каховской ГЭС - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

У працы ўкраінскіх біялабараторый удзельнічалі не толькі ЗША – Мінабароны РФ

© PixabayДНК
ДНК  - Sputnik Беларусь, 1920, 12.05.2022
Падпісацца на
Yandex newsTelegram
На тэрыторыі Украіны была сфарміравана сетка з больш як 30 біялагічных лабараторый, якія працавалі ў інтарэсах Пентагона, заяўлялі раней у расійскім абаронным ведамстве.
МІНСК, 12 мая – Sputnik. Мінабароны Расіі мае дакументы, якія сведчаць аб тым, што ў ваенна-біялагічных праектах на Украіне ўдзельнічалі не толькі ЗША, але і іншыя краіны – у прыватнасці, Польшча.
Па словах начальніка войск радыяцыйнай хімічнай і біялагічнай абароны (РХБА) УС РФ генерала-лейтэнанта Ігара Кірылава, пацверджаны факт датычнасці да дзейнасці біялабараторый польскага Інстытута ветэрынарнай медыцыны. Інстытут быў задзейнічаны ў даследаваннях, якія былі накіраваны на ацэнку "эпідэміялагічных пагроз і распаўсюджвання віруса шаленства на тэрыторыі Украіны", заявіў Кірылаў.

"Характэрна, што названыя даследаванні праводзіліся сумесна з амерыканскім інстытутам Бэтэл – адным з ключавых падрадчыкаў Пентагона", - адзначыў ён.

Акрамя гэтага, ёсць дакументальныя пацверджанні таго, што Польшча фінансавала Львоўскі медуніверсітэт, у склад якога ўваходзіць удзельнік ваенна-біялагічных праектаў ЗША – інстытут эпідэміялогіі і гігіены, працягнуў генерал-лейтэнант.
Ён удакладніў, што дадзеная арганізацыя з 2002 года займаецца рэалізацыяй праграмы перападрыхтоўкі спецыялістаў, якія маюць вопыт працы з матэрыяламі і тэхналогіямі падвойнага прызначэння.

Марыупаль і халера

Ігар Кірылаў таксама заявіў, што ЗША ў рамках сваёй ваенна-біялагічнай праграмы на Украіне выкарыстоўвалі Марыупаль як рэгіянальны цэнтр па працы з узбуджальнікам халеры. Спецыялісты Мінабароны РФ высветлілі, што ўзбуджальнікам непасрэдна займаліся дзве біялабараторыі ў горадзе.
"Атрыманы сведчанні экстранага знішчэння дакументаў, якія пацвярджаюць работу з амерыканскім ваенным ведамствам. Папярэдні аналіз захаванай дакументацыі сведчыць аб выкарыстанні Марыупаля ў якасці рэгіянальнага цэнтра для збору і пашпартызацыі ўзбуджальніка халеры", - сказаў Кірылаў.
Паводле яго слоў, адабраныя штамы адпраўляліся ў цэнтр грамадскага здароўя ў Кіеве, які ў сваю чаргу транспартаваў біяматэрыялы ў ЗША.
"Названая дзейнасць праводзілася з 2014 года, што пацвярджаецца актамі перадачы штамаў", - адзначыў генерал.

Ветлабараторыя і калекцыя "нехарактэрных захворванняў"

Прадстаўнік Мінабароны таксама расказаў, што да ваенна-біялагічнай праграмы ЗША магла мець дачыненне марыупальская ветлабараторыя, дзе знайшлі калекцыю ўзбуджальнікаў захворванняў, нехарактэрных для ветэрынарыі.
Так, паводле знойдзенага акта знішчэння калекцыі, у ёй знаходзіліся ўзбуджальнікі брушнога тыфу, паратыфаў, газавай гангрэны, а таксама сібірскай язвы, тулярэміі і халеры.

Бесчалавечныя эксперыменты

Акрамя таго, паведаміў Кірылаў, Мінабароны Расіі атрымала новыя звесткі аб доследах над людзьмі ва Украіне.
"Намі атрыманы новыя звесткі, якія раскрываюць падрабязнасці бесчалавечных эксперыментаў Пентагона над грамадзянамі Украіны ў псіхіятрычнай бальніцы №1 (сяло Стралечча Харкаўскай вобласці). Асноўнай катэгорыяй паддоследных з’яўлялася група пацыентаў мужчынскага полу ва ўзросце 40-60 гадоў з высокай стадыяй фізічнага знясілення", – сказаў генерал.
Пры гэтым ён адзначыў, што эксперты, якія праводзілі біялагічныя даследаванні, прыбывалі на Украіну праз трэція краіны, каб захаваць у тайне дачыненне ЗША да гэтых біялагічных даследаванняў.
Падчас брыфінгу ў доказ Кірылаў паказаў фатаграфію ўраджэнкі штата Фларыда Лінды Апорта, якая прымала ўдзел у доследах.

Расійская спецаперацыя

Аб пачатку спецаперацыі ў Данбасе заявіў прэзідэнт Расіі Уладзімір Пуцін 24 лютага, праз некалькі дзён пасля прызнання незалежнасці Данецкай і Луганскай народных рэспублік.
Кіраўнік расійскай дзяржавы абазначыў мэты спецаперацыі – дэмілітарызацыя і дэнацыфікацыя Украіны.
У Мінабароны РФ запэўнілі, што наносяць удары толькі па аб’ектах ваеннай інфраструктуры Украіны і ўкраінскіх войсках.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пяскоў расказаў, хто будзе вырашаць лёс Херсонскай вобласці
Расія не хоча вайны ў Еўропе – Лаўроў
Апалчэнцы і расійскія войскі выйшлі да адміністрацыйнай мяжы ЛНР
Расіі не пакінулі шансу вырашыць сітуацыю на Украіне мірным шляхам – Пуцін
Мінабароны РФ: украінскія вайскоўцы падвяргаюць мірных жыхароў небяспецы
Стужка навiн
0