У Крамлі прааналізуюць наступствы ўступлення Фінляндыі і Швецыі ў НАТА

© Sputnik / Михаил Воскресенский / Перайсці ў медыябанкВід на маскоўскі Крэмль з боку Масквы-ракі
Від на маскоўскі Крэмль з боку Масквы-ракі - Sputnik Беларусь, 1920, 16.05.2022
Падпісацца
У цяперашні час у Расіі няма тэрытарыяльных спрэчак з дадзенымі краінамі, але членства ў Паўночнаатлантычным альянсе нясе свае рызыкі.
МІНСК, 16 мая – Sputnik. У Крамлі занепакоены рашэннем Фінляндыі і Швецыі ўступіць у НАТА, заявіў журналістам прэс-сакратар прэзідэнта РФ Дзмітрый Пяскоў.
"Мы ўжо казалі, што для нас, вядома, гэта пытанне, якое мы адсочваем самым дакладным чынам – першае. Ёсць падстава для вельмі глыбока аналізу магчымых наступстваў. Мы не думаем, што ўступленне Фінляндыі і Швецыі ў НАТА нейкім чынам умацуе і ўдасканаліць архітэктуру бяспекі на нашым кантыненце", - сказаў прэс-сакратар Уладзіміра Пуціна.
Паводле яго слоў, у адрозненне ад сітуацыі з Украінай, у Расіі няма тэрытарыяльных спрэчак са Швецыяй і Фінляндыяй. У выпадку патэнцыяльнага ўваходжання ў НАТА Кіева ў Расіі магла з’явіцца тэрытарыяльная спрэчка з краінай, якая ўваходзіць у альянс.
Дзмітрый Пяскоў звярнуў увагу, што верагоднае ўваходжанне Стакгольма і Хельсінкі ў Паўночнаатлантычны альянс з’яўляецца сур’ёзным пытаннем, якое выклікае занепакоенасць.
"Мы будзем вельмі ўважліва сачыць, якія будуць наступствы вось гэтага ўступлення Фінляндыі і Швецыі ў НАТА ў прыкладным плане, з пункту гледжання нашай бяспекі, якая павінна быць забяспечана ў абсалютна безумоўным парадку", - запэўніў ён.
Пасля чаго дадаў, што ў Расіі старанна сочаць за тым, што адбываецца, і фіксуюць заявы, зробленыя на гэты конт, як у выпадку са шведскім бокам.
"Швецыя не збіраецца нават ва ўмовах членства ў альянсе размяшчаць у сябе на тэрыторыі нейкія замежныя ваенныя базы або сістэмы ўзбраення", - падкрэсліў прэс-сакратар расійскага лідара.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Швецыя афіцыйна прыняла рашэнне аб падачы заяўкі на членства ў НАТА
Фінляндыя прыняла афіцыйнае рашэнне аб уступленні ў НАТА
У Эстоніі 16 мая пачнуцца вучэнні з удзелам вайскоўцаў краін НАТА
Пасол РФ у ЗША: капітуляцыі Масквы ва Украіне не будзе
Юбілейны саміт кіраўнікоў дзяржаў-удзельнікаў АДКБ пройдзе ў Маскве
Стужка навiн
0