Мінадукацыі назвала топ спецыяльнасцей 2022 года
© Sputnik / Виктор Толочко
Падпісацца
Адразу некалькі ўніверсітэтаў сёлета адкрыюць набор на новыя спецыяльнасці, самыя "экзатычныя" з іх з'явяцца ў ВНУ Мінска, Брэста і Полацка.
МІНСК, 25 мая - Sputnik. У топе ў абітурыентаў у новай уступнай кампаніі будуць медыцынскія, інжынерныя і іншыя спецыяльнасці, такім прагнозам падзяліўся ў мультымедыйным прэс-цэнтры Sputnik Беларусь начальнік галоўнага ўпраўлення прафесійнай адукацыі Міністэрства адукацыі Беларусі Сяргей Каспяровіч.
Паводле яго слоў, у Мінадукацыі не бачаць рэзкіх ваганняў з боку абітурыентаў пры выбары спецыяльнасцей. І тыя напрамкі, якія былі папулярныя апошнія некалькі гадоў, з высокай верагоднасцю будуць у топе і сёлета.
"Гэта медыцынскія спецыяльнасці, спецыяльнасці ў галіне правазнаўства, у галіне сучасных тэхналогій, інжынерныя спецыяльнасці, звязаныя з вытворчасцю вырабаў на аснове трохмерных тэхналогій. Гэта IT-спецыяльнасці - яны працягваюць і, верагодна, будуць заставацца ў топе. Гэта спецыяльнасці, звязаныя з міжнароднай дзейнасцю ", - растлумачыў Каспяровіч.
Ён адзначыў, што на гэтыя спецыяльнасці заўсёды надзвычай высокія прахадныя балы - 360-370, у асобных выпадках яны даходзяць да 380, бываюць і вышэйшыя.
У якіх ВНУ адкрыюцца новыя спецыяльнасці?
Сёлета новыя спецыяльнасці адкрывае дастаткова вялікі пул беларускіх ВНУ:
БДУ – "біяінжынерыя і біяінфарматыка" (на біяфаку) і "геатэхналогіі турызму і экскурсійная дзейнасць" (на геафаку);
БДТУ - "тэхналогія і перапрацоўка біяпалімераў";
МДЛУ - "японская мова і другая замежная мова";
БНТУ - "эканоміка і арганізацыя вытворчасці" (кірунак "лічбавыя тэхналогіі на прамысловым прадпрыемстве"). На выхадзе - інжынер-эканаміст у галіне лічбавых тэхналогій;
Брэсцкі дзяржуніверсітэт імя Пушкіна - "урбаналогія і сіці-менеджмент";
ГрДУ імя Купалы - "вэб-журналістыка", "аналітычная біяхімія" і "біяхімія лекавых сродкаў";
Полацкі дзяржаўны ўніверсітэт – "штучны інтэлект (інструментальныя сродкі і тэхналогія праектавання інтэлектуальных сістэм)";
Гомельскі дзяржаўны тэхнічны ўніверсітэт імя Сухога – "кіраванне дызайн-праектамі на прамысловым прадпрыемстве";
Віцебскі дзяржаўны ўніверсітэт імя Машэрава – "спартыўна-педагагічная дзейнасць" (трэнерская работа);
Магілёўскі дзяржаўны ўніверсітэт імя Куляшова – "кіраванне інфармацыйнымі рэсурсамі".
У асобных рэгіёнах у прафтэхліцэях і каледжах, паводле слоў Сяргея Каспяровіча, закрыецца падрыхтоўка па незапатрабаваных спецыяльнасцях - такіх напрамкаў больш за сто. Разам з тым будзе адкрыты набор на будаўнічыя і машынабудаўнічыя спецыяльнасці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Новыя філіялы расійскіх ВНУ могуць з’явіцца ў Беларусі – Грызлоў
Беларускім студэнтам у ВНУ РФ выдзеляць больш месцаў
ЦТ-2022: якім абітурыентам не трэба здаваць тэсціраванне
