Месяц без сома: для рыбакоў устанавілі новую забарону

© Sputnik / Павел Лисицын / Перайсці ў медыябанкЧырвонахвосты сом
Чырвонахвосты сом - Sputnik Беларусь, 1920, 31.05.2022
Падпісацца на
НовостиTelegram
Аматары летняй рыбалкі, нарэшце, могуць расчахліць вуды і адправіцца на любімы вадаём: сёння здымаюцца забароны на вылаў амаль любой рыбы – за выключэннем сома.
МІНСК, 31 мая – Sputnik. Забарона на лоўлю сома ўстаноўлена ў Беларусі з 31 мая, паведамілі ў Беларускім таварыстве паляўнічых і рыбаловаў.
Яна ўведзена ў сувязі з нерастам, растлумачылі ў арганізацыі. У большасці рыбалоўных угоддзяў краіны абмежаванні будуць дзейнічаць з 31 мая па 1 ліпеня. На поўдні Беларусі – у Брэсцкай і Гомельскай абласцях – яны пачаліся 19 мая і скончацца 20 чэрвеня.
Калі ў перыяды забароны вы ўсё ж такі зловіце сома, яго трэба адпусціць. У адваротным выпадку пагражае "адміністратыўка" са штрафам ад 20 да 50 базавых велічынь (ад 640 да 1600 рублёў). Магчыма таксама канфіскацыя спінінгаў і іншых прылад лоўлі.
У выпадку, калі ўрон ад рыбалкі складзе 100 і больш базавых, паўстане пытанне аб узбуджэнні крымінальнай справы.

Зняцце іншых забарон

Забарона на вылаў усіх відаў рыб (за выключэннем сома) і рака даўгапалага, які быў уведзены ў сувязі з нерастам яшчэ ў сакавіку, здымаецца 31 мая. Аматары летняй рыбалкі, нарэшце, могуць узяць вуды і адправіцца на вадаём.
Сезоннае абмежаванне будзе дзейнічаць па 8 чэрвеня толькі для Віцебскай вобласці. Там пакуль можна рыбачыць толькі аматарам – адной вудай з адным кручком або адным спінінгам са штучнай прынадай і толькі з берага, без заходу ў ваду. У адваротных выпадках дзяржінспектары аховы жывёльнага і расліннага свету будуць выстаўляць штрафы, асабліва за незаконна злоўленага шчупака.
За кожную асобіну ўстанаўліваецца штраф у 9 базавых велічынь. Сукупнае пакаранне можа быць да 30 базавых.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Сямі беларускім рыбгасам дзяржава дапаможа пагасіць крэдыты
Камуналка, рыбалка, алкаголь: што зменіцца для беларусаў у чэрвені?
Пракуратура заступілася за рыбакоў і рыбу
Стужка навiн
0