Наступіла лета: для адпачывальнікаў у Мінску гатова больш за 20 пляжаў

© Sputnik / Марина СеребряковаПляжы Мінска: Цнянка
Пляжы Мінска: Цнянка - Sputnik Беларусь, 1920, 01.06.2022
Падпісацца на
НовостиTelegram
З пачаткам летняга сезона і ўстанаўленнем цёплага надвор’я многія жыхары сталіцы стараюцца свой выхадны правесці на прыродзе або на пляжы.
МІНСК, 1 чэр – Sputnik. У гэтым сезоне ў Мінску будзе працаваць 21 пляж у 5 рэкрэацыйных зонах, паведамілі ў Мінскім гарадскім цэнтры гігіены і эпідэміялогіі.
Так, 8 пляжаў (№1, 2, 3, 4, 5, 6, 8, 9) вызначаны ў зоне рэкрэацыі "Заслаўскае", два пляжы (№3, 4) – на "Крыніцы", пяць пляжаў (№2, 5, 6, 7, 8) – у "Драздах", пяць пляжаў (№1, 2, 3, 4, 5) – у зоне "Цнянскае" і адзін пляж (№1) на "Камсамольскім возеры".
Там адзначылі, што тэрыторыя пляжаў і прылягаючых лесапаркавых зон прыведзена ў парадак, дно абследавана і ачышчана, для камфортнага ўваходу ў ваду падсыпаны пясок. Адрамантавана пляжнае абсталяванне, абсталяваны спартыўныя і дзіцячыя пляцоўкі.
Таксама ўстаноўлены шэзлонгі, альтанкі, лаўкі, кабіны для пераапранання, ценявыя паветкі і душавыя ўстаноўкі. Для падтрымання на пляжах чысціні і парадку была павялічана колькасць урнаў і грамадскіх прыбіралень.
Таксама арганізаваны пляцоўкі для раздзельнага збору адходаў. Для тых, хто прыязджае на пляж на сваім транспарце, абазначаны стаянкі і размешчаны велапаркоўкі.
Акрамя таго, спецыяльна да пачатку купальнага сезона былі ўзяты пробы вады для лабараторных даследаванняў, тэрыторыі пляжаў апрацаваны ад кляшчоў.
Нагадаем, што раней Мінпрыроды былі вызначаны нормы і правілы з патрабаваннямі да добраўпарадкавання вадаёмаў і прылягаючых да іх тэрыторый. Так, у выпадку, калі вада не падыходзіць для купання, на мяжы вадаёма павінны быць высаджаны шчыльныя кусты, а на пляжы на аднаго чалавека павінна быць не менш за восем квадратных метраў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Браслаўскія азёры чакаюць сёлета наплыву турыстаў з Расіі
Прыродная прыгажосць і палацавыя ансамблі: што паглядзець у Беларусі
Забароны на наведванне лясоў аслаблены ў Беларусі
Стужка навiн
0