Турцыя спрашчае ўезд для турыстаў

© Sputnik / Перайсці ў фотабанкРасійскія турысты на курортах Турцыі
Расійскія турысты на курортах Турцыі
 - Sputnik Беларусь, 1920, 01.06.2022
Падпісацца на
Yandex newsTelegram
Усё больш краін на фоне стабілізацыі сітуацыі з каронавірусам вырашаюць аслабіць каранцінныя меры і іншыя абмежаванні пры ўездзе ў краіну.
МІНСК, 1 чэр - Sputnik. Турэцкія ўлады прынялі рашэнне спрасціць для замежнікаў працэдуру ўезду ў краіну, зараз ім не спатрэбяцца ПЦР-тэсты, гаворыцца ў паведамленні МУС Турцыі. Гэтае рашэнне пачынае дзейнічаць з 1 чэрвеня.
Цяпер для ўезду ў гэтую краіну праз усе памежныя пункты не спатрэбіцца дакумент з пацверджаннем адмоўнага ПЦР-тэсту на каронавірус або адмоўны экспрэс-тэст на антыген.
У паведамленні ведамства таксама гаворыцца, рашэнне было прынята пасля дэталёвага аналіза бягучай сітуацыі, звязанай з каронавіруснай інфекцыяй.

Не толькі Турцыя

З 1 чэрвеня ўлады Кіпра і Італіі таксама адмянілі ўсе абмежаванні па каронавірусе для турыстаў.
Цяпер на Кіпры маскі ў грамадскіх месцах можна не насіць (акрамя ўстаноў аховы здароўя і грамадскага транспарту). Для турыстаў абмежаванні таксама скасавалі: зараз сертыфікат аб вакцынацыі, даведка аб перанесеным каронавірусе або вынікі ПЦР-і і антыген-тэсту пры ўездзе ў краіну не спатрэбяцца.
Для ўезду ў Італію турыстам з усіх краін таксама больш не патрэбен COVID-пашпарт.
Раней і Ізраіль адмяніў многія каронавірусныя меры, тым самым аблегчыўшы ўезд турыстаў у краіну. У прыватнасці, адменена абавязковае тэсціраванне на COVID-19 у міжнародным аэрапорце Бэн-Гурыён у Тэль-Авіве. Таксама не трэба праходзіць 24-гадзінны каранцін пасля ўезду ў краіну, а пасажыры не абавязаны прад'яўляць адмоўны ПЦР-тэст у аэрапорце вылету.
Ёсць, аднак, адзін нюанс: патрапіць з Беларусі ў Ізраіль наўпрост пакуль не атрымаецца.
На днях і Іспанія спрасціла ўмовы для ўезду турыстаў з краін па-за Еўрасаюзам, гэта датычыцца і Беларусі. Цяпер, каб заехаць у краіну, дастаткова прад'явіць на выбар адзін з трох дакументаў: адмоўны тэст на каронавірус, сертыфікат аб вакцынацыі (прэпаратам, ухваленым у Еўропе), даведку аб перанесенай каронавіруснай інфекцыі. Дзеці да 12 гадоў вызваляюцца ад неабходнасці мець гэтыя дакументы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Інданезія змяніла правілы ўезду для беларусаў
Рэйсаў не будзе: "Белавія" адмяняе палёты ў Тэль-Авіў
Беларусь адмяняе ўсе каронавірусныя абмежаванні для замежнікаў
Стужка навiн
0