РІКВ расказаў, колькі чалавек зарэгістравалася на ЦТ

© Sputnik / Евгений Биятов / Перайсці ў медыябанкЗдача экзамену
Здача экзамену  - Sputnik Беларусь, 1920, 02.06.2022
Падпісацца на
НовостиTelegram
Пачнецца цэнтралізаванае тэсціраванне ў Беларусі 14 чэрвеня, апошнім - рэзервовым - днём стане 16 ліпеня.
МІНСК, 2 чэр - Sputnik. На цэнтралізаванае тэсціраванне ў 2022 годзе зарэгістраваліся 61 785 абітурыентаў, расказаў дырэктар Рэспубліканскага інстытута кантролю ведаў Юрый Міксюк агенцтву БелТА.
Больш за ўсё людзей запісалася на здачу рускай мовы - звыш 50,3 тысяч. На другім месцы рэйтынгу папулярнасці знаходзіцца матэматыка (33,8 тысяч).
Пачнецца ЦТ 14 чэрвеня, першым абітурыенты будуць здаваць беларускую мову. А вось 16 і 17 чэрвеня пачнецца тэсціраванне па рускай.
Тэсты па матэматыцы будуць праходзіць 21 і 22 чысла, а 23 - па біялогіі. Здаць замежныя мовы можна 26 чэрвеня, 27 - хімію. У апошні дзень месяца адбудзецца тэсціраванне па фізіцы, гісторыю Беларусі будуць здаваць 2 ліпеня.
Па геаграфіі тэсціраванне прызначана на 4 ліпеня, па сусветнай гісторыі (Найвейшы час) - 6 ліпеня.
Рэзервовыя дні для здачы рускай і беларускай моў прызначаны на 12 і 14 ліпеня, па астатніх прадметах - 12 і 16 ліпеня.
Пачынацца тэсціраванне будзе ў 11:00.
Летась на тэсціраванне запісалася больш за 62 тысячы чалавек, прайшлі яго каля 60 тысяч.

За што могуць выгнаць падчас ЦТ?

Выгнаць могуць за выкарыстанне тэлефонаў, гаджэтаў, шпаргалак. Нельга мяняцца тэстамі, перасаджвацца, атрымліваць дапамогу ад кагосьці ці камусьці падказваць. Таксама забараняецца ўпісваць у бланк адказаў чужое імя.
Па словах Юрыя Міксюка, забараняецца праносіць у аўдыторыю штосьці, акрамя пашпарта, пропуску і ручкі з чарнілам чорнага колеру. Нельга ўносіць інфармацыю ў бланк адказаў пасля заканчэння тэста - за гэта таксама могуць выгнаць.
Падчас ЦТ можна выйсці ў прыбіральню - арганізатары правядуць.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Не блытаць з ЦТ! Высветлілася, як у школьнікаў пройдзе цэнтралізаваны экзамен
Мінадукацыі назвала топ спецыяльнасцей 2022 года
Як беларусам паступіць у ВНУ Расіі – пакрокавая інструкцыя
Стужка навiн
0