Шосты пакет санкцый Захаду супраць Расіі і Беларусі уступіў у сілу

© Sputnik / Алексей Витвицкий / Перайсці ў медыябанкПасяджэнне Еўрапейскага Савета ў Брусэлі
Пасяджэнне Еўрапейскага Савета ў Брусэлі
 - Sputnik Беларусь, 1920, 03.06.2022
Падпісацца
Ён уключае ў сябе нафтавае эмбарга, супраць якога выступіў шэраг краін Еўрасаюза, у прыватнасці Венгрыя, пакет прымаўся з цяжкасцю.
МІНСК, 3 чэр - Sputnik. Шосты санкцыйны пакет супраць Расіі і Беларусі ўступае ў сілу - дакумент у пятніцу апублікаваны ў афіцыйным часопісе ЕС.
Згодна з ім, персанальныя санкцыі супраць фізічных асоб і арганізацый уступаюць у сілу з 4 чэрвеня.
У санкцыйны спіс ЕС па Беларусі трапілі 12 фізічных асоб, бізнесменаў, дзяржслужачых і прадстаўнікоў СМІ:
Ігар Карпенка, кіраўнік ЦВК рэспублікі;
Дзмітрый і Віталь Алексіны, сыны бізнесмена Аляксея Алексіна (кампаніі "Энегрга-Ойл" і "Белнафтагаз");
Багалюб Карыч, бізнэсмэн (кампанія Dana Holdings);
Іван Галаваты, генеральны дырэктар ААТ "Беларуськалій";
Андрэй Сыч, вядучы тэлеканала "Беларусь 1";
Ігар Тур, вядучы тэлеканала АНТ;
Людміла Гладкая, журналіст дзяржаўнага выдання "СБ. Беларусь Сегодня";
Рыгор Азаронак, вядучы тэлеканала СТБ;
Дзяніс Мікушаў, начальнік аддзела пракуратуры Гомельскай вобласці;
Мікалай Доля, суддзя Гомельскага абласнога суда;
Андрэй Паршын, экс-кіраўнік ГУБАЗіК МУС.
У новы санкцыйны спіс Еўрапейскі саюз унёс восем беларускіх кампаній, гэта:
ААТ "Беларуськалій";
ААТ "Беларуская калійная кампанія";
ТАА "Інтэр Табака";
ААТ "Нафтан";
ААТ "Гродзенская тытунёвая фабрыка Нёман";
РУП "Белмытсэрвіс";
ААТ "Кіруючая кампанія холдынгу "Белкамунмаш'";
Белтэлерадыёкампанія.

Нафтавае эмбарга

Краіны Захаду паэтапна ўводзілі санкцыі ў дачыненні да афіцыйных асоб Беларусі, прадпрыемстваў рэспублікі, абвінавачваючы Мінск у парушэннях падчас выбараў і парушэнні правоў чалавека. Чарговы этап пашырэння заходніх санкцый адбыўся з-за падтрымкі Мінскам ваеннай спецаперацыі па дэмілітарызацыі, якая ажыццяўляецца Расіяй ва Украіне.
Санкцыі маюць беспрэцэдэнтны размах і закранаюць важнейшыя сегменты эканомікі, гуманітарную сферу, спорт, а таксама СМІ.
Шосты пакет закліканы яшчэ больш ударыць па эканоміках Расіі і Беларусі.
У прыватнасці, ён змяшчае поўную забарону на паслугі, якія адносяцца да транспарціроўкі нафты з Расіі. Мяркуецца, што праз месяц еўрапейскім кампаніям забароняць аказваць суднаходныя, брокерскія, страхавыя і фінансавыя паслугі ў гэтай сферы.
Захад разлічвае, што новыя рэстрыкцыі скуюць нафтавую галіну Расіі і не дазволяць шукаць альтэрнатыўных пакупнікоў на энергарэсурсы.
Супраць шостага пакета санкцый, а менавіта супраць нафтавага эмбарга, выступіў шэраг краін Еўрасаюза, што значна запаволіла яго прыняцце.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Краіны ЕС дамовіліся аб новых санкцыях у дачыненні да расійскай нафты
ЕС не здолеў дасягнуць пагаднення па эмбарга на імпарт нафты з РФ
ЕС здзяйсняе аўтадафэ, адмаўляючыся ад энергарэсурсаў з РФ – Пуцін
Стужка навiн
0