ЕС здзяйсняе аўтадафэ, адмаўляючыся ад энергарэсурсаў з РФ – Пуцін
© Sputnik / Сергей Субботин
/ Падпісацца
Еўрапейскія палітыкі дэкларуюць увядзенне новых санкцый у дачыненні да расійскай эканомікі, якія могуць уключаць адмову ад нафты і газу з Расіі.
МІНСК, 17 мая – Sputnik. Энергетычную інфляцыю ў заходніх краінах спрабуюць зваліць на Расію, заявіў прэзідэнт Расіі Уладзімір Пуцін на нарадзе па сітуацыі ў нафтавай сферы.
Паводле яго слоў, калі заходнія краіны адмовяцца ад расійскіх энергарэсурсаў, то рост эканамічнай актыўнасці следам за імі перацячэ ў іншыя рэгіёны свету.
"Такое эканамічнае аўтадафе, самагубства – гэта вядома ж унутраная справа еўрапейскіх краін. Мы ж павінны дзейнічаць прагматычна, зыходзіць перш за ўсё з уласных эканамічных інтарэсаў", - адзначыў расійскі лідар.
Сістэмная памылка Еўропы
Уладзімір Пуцін звярнуў увагу, што пад ціскам ЗША еўрапейскія краіны ўводзяць усё новыя і новыя рэстрыкцыі на нафтагазавым рынку. Гэта, у сваю чаргу, вядзе да павышэння інфляцыі.
Цяпер самі еўрапейцы прызнаюць, што не могуць адмовіцца ад расійскіх энергарэсурсаў. На еўрапейскім рынку паскоранымі тэмпамі растуць цэны на дызель, бензін і нафтапрадукты.
"На нас спрабуюць спісаць гэту інфляцыю энергетычную, нашымі імёнамі называюць, усе на Расію спісваюць, спрабуючы прыкрыць, як я ўжо сказаў, свае ўласныя сістэмныя памылкі па гэтым напрамку", - канстатаваў кіраўнік расійскай дзяржавы.
Тэктанічны зрух у галіне
Пуцін растлумачыў, што "адмова ад расійскіх энергарэсурсаў азначае, што Еўропа сістэмна, на доўгатэрміновую перспектыву становіцца рэгіёнам з самым высокім коштам энергарэсурсаў у свеце".
Уладзімір Пуцін звярнуў увагу на той факт, што бязладныя рашэнні еўрапейскіх палітыкаў у энергетычнай сферы пакуль прывялі толькі да таго, што ў расійскіх кампаній вырас прыбытак.
"Змены на нафтавым рынку носяць тэктанічны характар і рабіць бізнес, як раней, па старой мадэлі ўжо, вядома, уяўляецца малаверагодным", – папярэдзіў расійскія кампаніі прэзідэнт.
Пасля чаго запэўніў удзельнікаў нарады, што з боку дзяржавы будзе рабіцца ўсё неабходнае, каб аказаць падтрымку энергетычнай галіне.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
ЕС не здолеў дасягнуць пагаднення па эмбарга на імпарт нафты з РФ
Расія павінна рыхтавацца да пераарыентацыі рынку энергарэсурсаў - Мядзведзеў
Новак: пры адмове Захаду ад нафты з РФ яе кошт вырасце да $300 за барэль
Магутнасці "Паўночнага патоку - 2" задзейнічаюць для забеспячэння паўночнага захаду Расіі
Пяскоў назваў умову аднаўлення паставак газу з РФ у Польшчу і Балгарыю
