Відэа

Як Аленічаў, Цітоў і Ціханаў гулялі ў футбол у Мінску – відэа

Падпісацца
Легендарныя расійскія футбалісты прыехалі ў беларускую сталіцу на міжнародны турнір па міні-футболе. Падрабязнасці глядзіце на відэа Sputnik.
Сёння на полі футбольнага клуба "Мінск" восем каманд удзельнічалі ў першынстве за Кубак пасольства Расіі.
Ганаровае права адкрыць турнір далі праслаўленаму трэнеру і футбалісту Эдуарду Малафееву, які разыграў мяч у цэнтр поля з расійскім паслом Барысам Грызловым.
Згодна з рэгламентам турніру 8 каманд падзялілі на 2 групы, дзе дзве найлепшыя каманды пераходзяць у паўфінал. Каманды гулялі матчы па 2 тайма па 10 хвілін кожны. Пераможцу турніру неабходна было правесці 5 гульняў ні разу не спатыкнуўшыся.
У першынстве бралі ўдзел спартсмены, дыпламаты, чыноўнікі і бізнесмены.
Вядома, Дзмітрый Аленічаў, Ягор Цітоў і Андрэй Ціханаў гулялі за каманду Расіі. На гульнявым шляху ім давялося гуляць з камандай беларускіх спартсменаў Dream Team. Праўда, Аляксандр Глеб, Сяргей Руценка, Аляксандр Багдановіч і Дзмітрый Баскаў не змаглі нічога ім супрацьпаставіць.
Мэтры расійскага футбола вывелі сваю каманду ў фінал, але там ім сустрэўся ўпарты сапернік – дружына Міністэрства спорту на чале з Сяргеем Кавальчуком.
Тут справа дайшла да серыі пасляматчавых пенальці. Але беларускія спартыўныя функцыянеры двойчы змазалі свае ўдары, чаго не скажаш пра расіян, якія білі дакладна.
Разам Кубак пасольства Расіі аказаўся ў расійскай каманды. Спорт не ведае каламбураў, тут перамагае наймацнейшы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0