Расія выдзеліць на праекты па імпартазамяшчэнні ў Беларусі $1,5 млрд
11:36 09.06.2022 (абноўлена: 12:14 09.06.2022)
© Pixabay/QuinceCreative
Падпісацца
На думку Аляксандра Лукашэнкі, без імпартазамяшчэння, асабліва па крытычных галінах, Беларусі і Расіі будзе вельмі цяжка развівацца.
МІНСК, 9 чэр – Sputnik. Беларусі і Расіі трэба развіваць сваю эканоміку і прамысловасць, удзельнічаючы ў праграмах па імпартазамяшчэнні, сказаў прэзідэнт краіны Аляксандр Лукашэнка на сустрэчы з губернатарам Курскай вобласці Раманам Старавойтам, перадае карэспандэнт Sputnik.
Кіраўнік беларускай дзяржавы паведаміў, што на гэту тэму нядаўна гаварыў са сваім расійскім калегам Уладзімірам Пуціным. Паводле яго слоў, Беларусь мае ўсе неабходныя рэсурсы для ўдзелу ў праграмах імпартазамяшчэння.
"З нашага боку мы прапанавалі канкрэтныя праекты расіянам, якія вельмі патрэбны і будуць у бліжэйшы час запатрабаваны не толькі ў Беларусі, але і ў Расійскай Федэрацыі. І для гэтага расіяне выдзяляюць амаль $1,5 млрд толькі на тэрыторыі Беларусі", - сказаў беларускі лідар.
Ён адзначыў, што без імпартазамяшчэння дзвюм краінам будзе цяжка развівацца, асабліва па пазіцыях крытычнага імпарту. Пастаянна спадзявацца на Кітай, на думку прэзідэнта, таксама нельга.
"Таму што ён проста можа не справіцца з такімі аб’ёмамі. І потым – трэба ўсё ж развіваць сваю эканоміку, сваю прамысловасць. Мы зацікаўлены ў пастаўках у ваш рэгіён кар’ернай тэхнікі, сельгастэхнікі, грузавых аўтамабіляў, будаўнічай, дарожнай. Вы гэта ўсё добра ведаеце", - канстатаваў Лукашэнка.
Рабіць "пад ключ"
Кіраўнік дзяржавы дадаў, што Беларусь гатова прапанаваць Курскай вобласці свае паслугі па капітальным рамонце жылля, праектаванні, правядзенні інжынерных пошукаў.
"Гатовы будаваць пад ключ, гатовы пастаўляць да вас ліфтавае абсталяванне. Ведаю, што ў любым горадзе Беларусі і Расіі такая патрэба ёсць. Гатовы прадаставіць сучаснае абсталяванне па водаачыстцы і водаадвядзенні. Усё што я назваў, мы гатовы рабіць пад ключ – узяцца і несці за гэта адказнасць. <…> Словам, калі вы вырашыце працаваць з Беларуссю, я магу вам гарантаваць поўную адказнасць беларускіх кампаній прыватных і дзяржаўных", - рэзюміраваў прэзідэнт.
АЭС і Беларускі квартал
Губернатар Курскай вобласці Раман Старавойт у сваю чаргу нагадаў, што ў гэтым годзе спаўняецца 20 гадоў з пачатку ўстанаўлення сувязей паміж рэгіёнам і Беларуссю. І таксама закрануў тэму тавараабароту.
"Вы падкрэслілі, што тавараабарот хоць і невялікі, але рост значны. За тры месяцы гэтага года мы выраслі ў 1,8 раза. І гэта ў большай ступені можа быць з-за тых абмежаванняў, якія нам аб’явілі недружалюбныя краіны. Аднак мы бачым для сябе ў гэтым акно магчымасцей. І добра, што наш бізнес працуе з Беларуссю ў адным ключы", - сказаў ён.
Кіраўнік расійскага рэгіёна таксама прыгадаў, што на тэрыторыі Курскай вобласці працуюць беларускія будаўнікі. Яны задзейнічаны на аб'ектах жыллёвага будаўніцтва і АЭС.
"Вы ведаеце, у нас будуецца атамная станцыя замяшчэння (Курская АЭС-2 - Sputnik), два рэактары – там працуюць беларускія будаўнікі. Тэмпы не зніжаліся нават падчас пандэміі. У нас у абласным цэнтры некалькі гадоў рэалізуецца праект так званага "Беларускага квартала", дзе беларускі забудоўшчык будуе жыллё. Ужо каля 80 тысяч квадратных метраў пабудавана, у бліжэйшыя гады мы давядзём гэтую лічбу да 150 тысяч. У цэлым жыллё для нас – адзін з асноўных напрамкаў", - сказаў на заканчэнне Старавойт.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Імпартазамяшчэнне павялічыла тавараабарот РФ і Беларусі - Грызлоў
Санкцыі падштурхоўваюць Беларусь і Расію на ўзмацненне сваіх эканомік - Заяц
Айфонаў хопіць на ўсіх: Беларусь легалізуе паралельны імпарт
Імпартазамяшчэнне на фоне санкцый: беларускія прадпрыемствы знайшлі выйсце
Праекты імпартазамяшчэння для Мінска і Масквы вельмі актуальныя - Мезенцаў
