Беларусь будзе актыўна ўдзельнічаць ва ўсіх вымярэннях ШАС - Лукашэнка

© Фотохост-агентство sco-russia2020.ru / Перайсці ў фотабанкСцяжок з лагатыпам Шанхайскай арганізацыі супрацоўніцтва (ШАС)
Сцяжок з лагатыпам Шанхайскай арганізацыі супрацоўніцтва (ШАС)
 - Sputnik Беларусь, 1920, 15.06.2022
Падпісацца на
Yandex newsTelegram
Прэзідэнт лічыць, што пашырэнне межаў арганізацыі і далучэнне новых удзельнікаў, гавораць аб яе ўзрослым аўтарытэце.
МІНСК, 15 чэр - Sputnik. Прэзідэнт Беларусі Аляксандр Лукашэнка павіншаваў генеральнага сакратара Шанхайскай арганізацыі супрацоўніцтва Чжан Міна з гадавінай стварэння ШАС, паведамляе прэс-служба кіраўніка дзяржавы.
Беларускі лідэр лічыць, што гэта арганізацыя вось ужо больш як 20 гадоў уносіць адчувальны ўклад у стабільнае і паступальнае развіццё Еўразійскага рэгіёну. Ён таксама адзначыў яе вынікі ў галіне падтрымання міру і ўмацавання даверу, паглыбленні шматпрофільнага эканамічнага і гуманітарнага ўзаемадзеяння.
Лукашэнка падкрэсліў, што пашырэнне межаў ШАС і далучэнне новых удзельнікаў, гавораць аб узрослым аўтарытэце арганізацыі, у якой "многія бачаць магчымасць рэалізаваць разнастайныя сумесныя праекты".
"Запэўніваю, што Беларусь, як і раней, будзе актыўна ўдзельнічаць ва ўсіх вымярэннях арганізацыі, садзейнічаючы раскрыццю вялізнага патэнцыялу яднання і партнёрства", - падкрэсліў кіраўнік беларускай дзяржавы ў сваім віншаванні.

Беларусь таксама плануе стаць часткай ШАС

Спецпрадстаўнік прэзідэнта Расіі па ШАС Бахтыер Хакімаў на пасяджэнні савета нацыянальных каардынатараў арганізацыі, які праходзіў у Ташкенце, расказаў, што ў яго была кансультацыя з начальнікам галоўнага ўпраўлення МЗС Беларусі.
"Ён даў зразумець, што беларускі бок звернецца з просьбай аператыўна прыняць іх у ШАС і даў зразумець, што падрыхтавана прапанова прэзідэнту па падачы заяўкі ў арганізацыю", - сказаў ён.
Паводле інфармацыі Хакімава, гэта заяўка прапрацавана ўжо ў міжведамасным фармаце і адобрана беларускім урадам.

Што такое ШАС

Шанхайская арганізацыя супрацоўніцтва (ШАС) з'яўляецца пастаянна дзейнай міжурадавай міжнароднай арганізацыяй, аб стварэнні якой было абвешчана 15 чэрвеня 2001 года ў Шанхаі (КНР).
Яе членамі сталі Казахстан, Кітай, Кыргызстан, Расія, Таджыкістан, Узбекістан. Яна падтрымлівае кантакты з СНД і актыўна супрацоўнічае з АДКБ. Мемарандум аб узаемаразуменні паміж сакратарыятамі ШАС і АДКБ быў падпісаны 5 кастрычніка 2007 года ў Душанбэ.
Статус наглядальніка дае магчымасць Беларусі прымаць удзел у пасяджэннях Савета кіраўнікоў урадаў ШАС, нарадах міністраў па знешнеэканамічнай і знешнегандлёвай дзейнасці. У пасяджэннях кіраўнікоў дзяржаў ШАС таксама бярэ ўдзел беларускі прэзідэнт Аляксандр Лукашэнка.
Беларусь таксама развівае ўзаемадзеянне ў ШАС у ваеннай сферы, па лініі антытэрарыстычных структур. Прадстаўнікі арганізацыі прыязджаюць у Беларусь наглядаць за прэзідэнцкімі і парламенцкімі выбарамі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мінск падрыхтаваў заяўку на членства ў ШАС
Краінам ШАС трэба разам супрацьстаяць санкцыям Захаду – Галоўчанка
Патрэбна каардынацыя эканамічнай палітыкі: краіны ШАС абмеркавалі планы
Стужка навiн
0