МАРГ растлумачыў прычыны інфляцыі ў Беларусі

© Sputnik / Алексей Мальгавко / Перайсці ў медыябанкПрадуктовы кошык
Прадуктовы кошык
 - Sputnik Беларусь, 1920, 15.06.2022
Падпісацца на
НовостиTelegram
У параўнанні з мінулым годам цэны ў рэспубліцы выраслі на 17%, а кошт прадуктаў, паводле даных Белстата, за год павялічыўся больш як на 19%.
МІНСК, 15 чэр - Sputnik. Асноўны ўплыў на інфляцыю працягвае аказваць павелічэнне затрат беларускіх вытворцаў на падаражэлую сыравіну і павышэнне цэн на паліва, паведамляе прэс-служба міністэрства антыманапольнага рэгулявання і гандлю.
Акрамя таго, па дадзеных аналітыкаў ведамства, на спажывецкі рынак захоўваецца ціск у тым ліку з-за вагання расійскага рубля на валютным рынку, парушэння лагістычных ланцужкоў і зніжэння паставак з Украіны.

Наколькі павялічыліся кошты?

Мяса і мясапрадукты за год падаражэлі на 16,8%, малако і малочныя прадукты - на 11,4%. Цэны на аўтамабільнае паліва павялічыліся на 22,7%.
Гародніна і садавіна адносна мінулага года падаражэла на 32,4%, аднак у маі кошт гэтых пазіцый натуральным чынам знізіўся на 7,8% у сувязі з пачаткам сезона.
Сусветныя цэны на соевы шрот, з якога робяць камбікармы, за год у сярэднім павялічыліся на 9,8 працэнтных пункта, а ўгнаенні - амаль на 100%. Насенне і расада падаражэлі на 22,7%, кармы - на 8,3%, мінеральныя ўгнаенні - на 60,8%.
У МАРГ адзначаюць, што некалькі замарудзіўся рост коштаў на некаторыя нехарчовыя тавары - на абутак, посуд і тэлевізары.
У маі мяса, а таксама малочныя прадукты падаражэлі на 1,5 і 1,9%, кандытарскія вырабы - на 3,9%, хлеб і вырабы хлебабулачныя - на 4%. Істотна знізіліся цэны на агуркі і памідоры - на 47,9% і 16, 7%. Бульба за мінулы месяц падаражэла на 5,2%.

Кантроль за коштамі

Са студзеня па май гэтага года спецыялісты ведамства правялі цэнавы кантроль на спажывецкім рынку краіны. У 481 выпадку не выконваліся патрабаванні ўказаў, якія рэгулююць пытанні цэнаўтварэння. Спецыялісты накіравалі 180 рэкамендацый аб устараненні парушэнняў. Штрафы атрымалі 224 службовыя асобы, а агульны памер санкцый склаў 1182,5 тысячы рублёў.
У міністэрстве нагадалі, што раней улады ўвялі цэнавае рэгуляванне на мыла, туалетную паперу, сурвэткі, падгузнікі, жаночыя пракладкі, мыйныя і чысцячыя сродкі, зубную пасту, абутак і панчошна-шкарпэткавыя вырабы для дзяцей.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Агуркі патаннелі ўдвая, згушчонка і цыбуля - даражэй: што было з цэнамі ў маі
Прафсаюзы: цэнаўтварэнне ў Беларусі павінна быць справядлівым
МАРГ распрацаваў праграму па стрымліванні коштаў і даў прагноз па інфляцыі ў маі
Стужка навiн
0