Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Як ствараўся праект "Цягнік памяці"

© Sputnik / Виктор ТолочкоКруглы стол у мультымедыйным прэс-цэнтры Sputnik Беларусь
Круглы стол у мультымедыйным прэс-цэнтры Sputnik Беларусь - Sputnik Беларусь, 1920, 20.06.2022
Падпісацца на
Yandex newsTelegram
"Цягнік памяці" – гэта праект, накіраваны на патрыятычнае выхаванне, ён злучае дзве гістарычныя даты – 22 чэрвеня 1941 года, пачатак Вялікай айчыннай вайны, і 3 ліпеня 1944 года – дзень вызвалення Беларусі.
МІНСК, 20 чэр – Sputnik. Праект "Цягнік памяці" не мае аналагаў у гісторыі і павінен стаць рэгулярным, такое меркаванне выказаў падчас круглага стала ў мультымедыйным прэс-цэнтры Sputnik Беларусь намеснік старшыні Савета Федэрацыі РФ Канстанцін Касачоў.

Як нарадзілася ідэя праекта

"Меў гонар асабіста прысутнічаць пры нараджэнні самой ідэі гэтага праекта, а нарадзілася яна падчас адной са шматлікіх, рэгулярных, сустрэч старшынь верхніх палат дзвюх нашых парламентаў: старшыні Савета Федэрацыі Валянціны Іванаўны Мацвіенкі і старшыні Савета Рэспублікі Нацыянальнага схода Беларусі Наталлі Іванаўны Качанавай", – падзяліўся успамінамі сенатар.
Касачоў расказаў, што на сустрэчы ў снежні мінулага года абмяркоўвалася важнасць работы з моладдзю і па выніках гэтага абмеркавання было дадзена даручэнне распрацаваць праект, які прыцягне моладзь да гісторыі.
Паводле слоў сенатара, даволі хутка нарадзілася канцэпцыя праекта, арганізатары звярнулі ўвагу на блізкасць па часе дат, звязаных з Вялікай Айчыннай і вырашылі іх аб’яднаць: 22 чэрвеня адзначаецца дата пачатку вайны, а 3 ліпеня – дзень вызвалення Мінска.
Першая частка маршруту прысвечана адступленню Чырвонай Арміі ў пачатку вайны, а другая – вызваленню ад захопнікаў, распавёў Касачоў. Ён дадаў, што цягнік праедзе па гарадах Расіі і Беларусі, у якіх адбыліся памятныя падзеі Вялікай Айчыннай.

РЧ зрабіла праекту падарунак

"Калі мы з гэтай ідэяй сталі хадзіць па розных кабінетах, дзе прымаюцца рашэнні, даволі хутка стала зразумела, што праект вельмі аб’ёмны з арганізацыйнага пункта гледжання. Зразумела, што ён патрабуе фінансавага забеспячэння, і мы спачатку меркавалі, што рэалізацыя праекту запатрабуе шмат часу", - распавёў намеснік старшыні Савета Федэрацыі.
Па словах сенатара, арганізатары чакалі, што грошы на рэалізацыю праекта змогуць вылучыць толькі з бюджэту Саюзнай дзяржавы Беларусі і Расіі на 2023 год.
Аднак праект удалося рэалізаваць хутчэй дзякуючы кіраўніцтву Расійскай чыгункі. Кіраўнік РЧ Алег Белазёраў палічыў, што праект настолькі патрэбны і важны, што яго трэба зрабіць у гэтым годзе і РЧ гатова прыняць на сябе частку фінансавання.
Касачоў расказаў, што сёння "Цягнік памяці" стартуе ад Беларускага вакзала са 100 рабятамі з Расіі, заўтра ён прыедзе ў Брэст, дзе далучацца яшчэ 100 школьнікаў, і гэта будзе адкрыццё праекта.

Для чаго патрэбен "Цягнік памяці" і хто на ім паедзе

"Добрая аб’яднаўчая справа заўсёды атрымлівае падтрымку", – працягнула тэму старшыня камітэта Савета Федэрацыі па навуцы, адукацыі і культуры Лілія Гумерава.
Сенатар падкрэсліла, што праект сапраўды ўнікальны і мае вялікае выхаваўчае значэнне. Ёй як педагогу падабаецца, што праект дазваляе дзецям самім убачыць тое, што расказваецца ў курсе гісторыі.
Гумерава расказала, што адбор дзяцей, якія паедуць на цягніку, арганізавалі на базе платформы "Вялікая перамена". Для ўдзелу ў ім прыйшлі каля 800 заявак з відэавізіткамі.
Арганізатары выбралі 100 чалавек. Сенатар падкрэсліла, што такая колькасць прэтэндэнтаў сведчыць аб цікавасці да праекта ў падрастаючага пакалення, бо 8 чалавек на месца – гэта конкурс у добрае ВНУ.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Фотафакт: віцябчане выстройваліся ў чэргі да "Цягніка Перамогі"
Больш тэхнікі: рэканструкцыя ў Брэсцкай крэпасці пройдзе па новым сцэнарыі
Расія плануе прымусіць Латвію заплаціць за знос помнікаў
Стужка навiн
0