Міністр спорту РФ: без нашых краін развіццё сусветнага спорту будзе нецікавым
14:55 06.07.2022 (абноўлена: 15:39 06.07.2022)
© Sputnik / Инна Гришук
Падпісацца
Адна з ключавых задач развіцця спорту – фарміраванне свядомасці маладога пакалення.
ГРОДНА, 6 ліпеня – Sputnik, Іна Грышук. Міністр спорту РФ Алег Матыцін расказаў, чаму так важна ўдзяляць увагу сумеснаму развіццю спорту Расіі і Беларусі ў час сумеснай калегіі профільных міністэрстваў у Гродне.
"Цяпер у нас няпросты перыяд, калі мы адчуваем санкцыйны ціск з боку міжнароднай супольнасці. Але ў нашых краін вялізны прыродны, чалавечы рэсурс. Гэты час, калі трэба аб'яднаць нашы намаганні для выхаду з сітуацыі і стаць яшчэ мацней. Важна адзначыць, што спорт аб'ядноўвае. Мы бачым, як спартыўныя супольнасці дзвюх краін актыўна дапамагаюць адна адной", – адзначыў Алег Матыцін.
Ён дадаў, што зараз расійскія і беларускія спартсмены і спартыўныя арганізацыі дэманструюць усяму свету, што без нашых краін развіццё сусветнага спорту будзе нецікавым.
Асобна Алег Матыцін адзначыў, чаму падчас санкцыйнага ціску важна надаваць дастаткова ўвагі і развіццю спартыўнай сферы.
"Спорт – гэта адна з нямногіх сфер дзейнасці, якая выхоўвае людзей. Дзе ўзнімаецца сцяг, гучыць гімн і дзе чалавек адчувае, што ён прадстаўляе вялікую краіну – Беларусь, Расійскую Федэрацыю. Гэты гістарычны і выхаваўчы момант важны", – адзначыў Матыцін.
Ён дадаў, што адна з важных задач сёння – гэта растлумачыць маладому пакаленню, што ў Расіі і Беларусі ёсць вялікі вопыт і традыцыі ў тым ліку ў спартыўнай сферы, якія фарміраваліся на працягу спачатку савецкай, а затым расійскай гісторыі.
"І тады будзе нашмат прасцей тлумачыць людзям, што зараз крызіс. Я кажу, што спартсмены і трэнеры, якія выхаваны ва ўмовах і разумеюць, што яны частка дзяржавы і адказваюць за дзяржаву, таму што ім дзяржава дала магчымасць вучыцца, працаваць і перамагаць. Гэта свядомасць трэба зараз фармаваць”, – сказаў Матыцін.
Сумесная калегія двух профільных міністэрстваў праходзіць з удзелам міністра спорту Расіі Алега Матыціна і міністра спорту і турызму Беларусі Сяргея Кавальчука ў Гродне. На парадку дня – пытанні сумеснай падрыхтоўкі спартсменаў, падрыхтоўка каляндарных планаў на правядзенне сумесных спартыўных мерапрыемстваў і вучэбна-трэніровачных збораў на спартыўных базах Беларусі і Расіі на 2022-2023 гады.
Бакі абмеркавалі распрацоўку праграмы па гарманізацыі і ніфікацыі ўзаемадзеяння Беларусі і Расіі ў сферы фізічнай культуры і спорту – гэта адна з 28 праграм Саюзнай дзяржавы на 2021-2023 гады, зацверджаных восенню мінулага года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Расія і Беларусь дасягнулі ўзорнага ўзроўню партнёрства – Пуцін
Толькі для беларусаў: РФ адмяняе ПЦР па прылёце ў краіну
Беларускія спецыялісты пачнуць працаваць на касмадроме Усходні восенню – Рагозін
