Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Беларусь будзе пастаўляць у Пермскі край харвестэры і форвардэры

© Photo : amkodor.byХарвестэр АМКАДОР 2551
Харвестэр АМКАДОР 2551 - Sputnik Беларусь, 1920, 28.07.2022
Падпісацца
Дэлегацыя Пермскага края здзяйсняе трохдзённы візіт у Беларусь, тут чыноўнікі і бізнесмены наведаюць шэраг прамысловых і аграпрамысловых прадпрыемстваў.
МІНСК, 28 ліп – Sputnik. Беларусь гатова пастаўляць у Пермскі край лесанарыхтоўчую, прамысловую і аграпрамысловую тэхніку, заявіў прэм’ер-міністр рэспублікі Раман Галоўчанка на сустрэчы з губернатарам гэтага расійскага рэгіёна Дзмітрыем Махоніным, перадае карэспандэнт Sputnik.
Прэм'ер адзначыў, што з улікам геаграфічных рэсурсаў рэгіёна, у прыярытэце для Пермскага краю – пастаўкі лесанарыхтоўчай тэхнікі.
"У вас, на маю думку, больш за 70% лясістасць тэрыторыі. У нас крыху больш за 40%, і мы лічымся лясной дзяржавай. Гэта адзін з самых каштоўных рэсурсаў, які неабходна эфектыўна распрацоўваць. І ў гэтым беларускае прадпрыемства "Амкадор" гатова аказаць усю магчымую дапамогу з пункту гледжання паставак сучаснай тэхнікі. Прадпрыемства прарабіла вялікую працу па імпартазамяшчэнні", - сказаў Галоўчанка.
У цэлым жа, паводле яго слоў, беларускі прамысловы і аграпрамысловы комплекс таксама гатоў максімальна нарасціць пастаўкі прадукцыі ў Пермскі край.
"Для нас важна ў ходзе гэтай сустрэчы ва ўрадзе зрабіць больш прадметныя зарубкі, каб мы разумелі, на што арыентаваць нашых вытворцаў. Вы ведаеце свае патрэбнасці, ведаеце рэсурсы, якія маеце, куды ў першую чаргу трэба накіроўваць іх", - дадаў беларускі прэм’ер.

Выйсці з крызісу – мацнейшымі

Раман Галоўчанка асобна спыніўся на тавараабароце, які апошнія некалькі гадоў трымаецца на ўзроўні каля паўмільярда долараў. На яго думку, гэтыя лічбы можна нарасціць.
"І пытанне зараз, Дзмітрый Мікалаевіч, як вы выдатна разумееце, не толькі ў лічбах як такіх, колькі ў неабходнасці пераадолення тых момантаў, якія ўзнікаюць у эканоміках нашых краін у сувязі з такім ашалелым прэсам эканамічнага ціску з боку. Ключ да актыўнага пераадолення ляжыць, вядома ж, у паглыбленні кааперацыйных сувязей і ланцужкоў на ўсіх узроўнях – разам мы здольныя, гэта абсалютна відавочна, не толькі перажыць гэты час, але выйсці з яго больш моцнымі", - канстатаваў ён.

Лясы, металургія, касмічныя рухавікі

Кіраўнік Пермскага краю Дзмітрый Махонін таксама ў першую чаргу звярнуў увагу на лясістасць рэгіёна, якім ён кіруе. Тэрыторыя, дзе знаходзяцца лясы, складае каля 182 тысяч квадратных кіламетраў – амаль як уся Беларусь.
"Цяпер у нас 12 млн кубаметраў лесу. Развіта хімічная прамысловасць, металургія, авіяцыйныя рухавікі, машынабудаванне, касмічныя рухавікі. І АПК дастаткова сур’ёзны - гэта наша з вамі кааперацыя", - адзначыў ён.
Губернатар інфармаваў, што прыкладна 300 прадпрыемстваў Пермскага краю пастаўляюць прадукцыю ў Беларусь і каля 220 беларускіх кампаній імпартуюць тавары ў Перм.
"Тавараабарот расце, але, вядома, нам трэба ўзмацніць узаемадзеянне. Мы хацелі б развіваць супрацоўніцтва з тым жа самым "Амкадорам", Трактарным заводам, МАЗам, каб прысутнасць дылерскіх сетак гэтых прадпрыемстваў пашырылася", – растлумачыў ён.
Таксама ў планах пермскага боку – выбудаваць узаемадзеянне з "Беларуськаліем" у пытанні навучання спецыялістаў на базе Горнага інстытута для работы ў калійнай галіне.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка: калі людзі не накормленыя, няма чаго казаць пра незалежнасць
Мінск і Уфа не павінны страчваць унікальны шанс - кіраўнік Башкартастана
Мурманская вобласць будзе атрымліваць беларускую тэхніку
Расія і Беларусь дасягнулі ўзорнага ўзроўню партнёрства - Пуцін
У МЗС РФ расказалі, наколькі вырас тавараабарот Расіі і Беларусі
Стужка навiн
0