Трэці Спас: падарыць ікону, пачаставаць пірагамі і асвяціць арэхі

CC BY 2.0 / Saint-Petersburg Theological Academy / Прастольнае свята храма Спаса Нерукатворнага Вобраза
Прастольнае свята храма Спаса Нерукатворнага Вобраза - Sputnik Беларусь, 1920, 29.08.2022
Падпісацца на
НовостиTelegram
Абраз "Спас Нерукатворны" лічаць адной з самых першых хрысціянскіх выяваў аблічча Ісуса Хрыста, на гэтай іконе заўсёды бачны залаты замкнёны німб вакол галавы Збавіцеля.
МІНСК, 29 жні – Sputnik. Свята перанясенне Нерукатворнага Вобраза Госпада Ісуса Хрыста ("Спас Нерукатворны") праваслаўная царква адзначае штогод 29 жніўня.
Нерукатворны вобраз – гэта асаблівы тып выявы аблічча Збавіцеля. Ён з’явіўся на палатне пасля таго, як Ісус, памыўшыся, выцер ім твар. З гэтай нагоды ў праваслаўі сённяшні дзень называюць Спас на палатне ці Спас на палотнах.
"Спас Нерукатворны" сімвалізаваў сілу і мужнасць. Менавіта таму такая выява Збавіцеля вышывалася на сцягах, з якімі ішлі на ворага абаронцы Айчыны.

Народныя традыцыі

Таксама сённяшні дзень у народзе называецца хлебным Спас. Такая назва ўтварылася ад традыцыі, згодна з якой у гэты дзень было прынята пячы пірагі і хлеб са збожжа новага ўраджаю.
Таксама ў гэты ж дзень раздавалі міласціну жабракам і частавалі іх караваямі з новай мукі.
© Pixabay / sunnysun0804Арэхавы спас
Ореховый спас - Sputnik Беларусь, 1920, 29.08.2022
Трэці Спас называлі яшчэ і арэхавым. Лічылася, што 29 жніўня на досвітку трэба было схадзіць у лес і сабраць хоць трохі арэхаў, якія потым асвячалі ў царкве.
Ёсць шмат прыкмет, звязаных з датай 29 жніўня. Да прыкладу, калі журавель адляціць да Трэцяга Спаса, то на Пакровы (14 кастрычніка) будуць замаразкі.

Пра Трэці Спас таксама казалі: "Трэці Спас хлеба прызапасіў", бо ў пераважнай большасці рэгіёнаў Беларусі ў гэты дзень спраўлялі дажынкі.

Захоўваецца ў праваслаўных і яшчэ адна шматвекавая традыцыя – здаўна 29 жніўня беларусы дарылі адзін аднаму іконы, і ў першую чаргу ікону "Спаса Нерукатворнага". Гэтая ікона з’яўляецца адной з самых распаўсюджаных у праваслаўі. Яе лічаць адной з першых хрысціянскіх выяваў аблічча Ісуса Хрыста, тым больш гэта адзіная выява Збавіцеля з німбам так званага замкнёнага тыпу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пернік для "перапёлкі", або Аднойчы на Хлебны спас
Яблычны Спас у Няглюбцы: як у глыбінцы праводзяць абрады старажытных славян
"Калі хочаш – гавей, а назаўтра – Макавей", або Свята маку і мёду
Стужка навiн
0