Лукашэнка і Пуцін сустрэнуцца на палях саміту ШАС

© Photo : пресс-служба КремляПрэзідэнт Расіі Уладзімір Пуцін і прэзідэнт Беларусі Аляксандр Лукашэнка
Прэзідэнт Расіі Уладзімір Пуцін і прэзідэнт Беларусі Аляксандр Лукашэнка - Sputnik Беларусь, 1920, 31.08.2022
Падпісацца на
НовостиTelegram
У Самаркандзе 15-16 верасня адбудзецца саміт лідараў краін-членаў Шанхайскай арганізацыі супрацоўніцтва, Беларусь нядаўна падала заяўку на ўступленне ў гэтую арганізацыю.
МІНСК, 31 жні – Sputnik. Прэзідэнты Беларусі і Расіі Аляксандр Лукашэнка і Уладзімір Пуцін правядуць сустрэчу на палях саміта ШАС, аб гэтым Sputnik паведамілі ў прэс-службе беларускага лідара.
Лукашэнка напярэдадні правёў шэраг тэлефонных размоў, адзна з іх – са сваім расійскім калегам. Акрамя вочнай сустрэчы, лідары абмеркавалі таксама графік далейшых кантактаў у цэлым, а таксама беларуска-расійскія адносіны, "найбольш актуальныя пытанні і сітуацыю ў рэгіёне і свеце".
Нагадаем, Шанхайская арганізацыя супрацоўніцтва была заснавана ў 2001 годзе. У яе склад уваходзяць Індыя, Казахстан, Кітай, Кыргызстан, Расія, Таджыкістан, Пакістан і Узбекістан. Краінамі-назіральнікамі з’яўляюцца Афганістан, Беларусь, Іран і Манголія, краінамі-партнёрамі – Азербайджан, Арменія, Турцыя, Непал, Камбоджа і Шры-Ланка. Нагадаем, што Беларусь нядаўна падала заяўку на ўступленне ў ШАС.
Чарговы саміт лідараў краін-членаў ШАС пройдзе 15-16 верасня гэтага года ў Самаркандзе. Свой удзел пацвердзілі ўсе лідары ​​краін ШАС.

З кім яшчэ размаўляў Лукашэнка 30-31 жніўня?

У аўторак, 30 жніўня, беларускі лідар прымаў віншаванні ў сувязі са сваім 68-годдзем. Віншавальныя тэлеграмы паступілі ад прэзідэнтаў іншых краін, у прыватнасці, ад старшыні КНР Сі Цзіньпіна, лідара Таджыкістана Эмамалі Рахмона, прэзідэнта Венесуэлы Нікаласа Мадура, прэзідэнта Кыргызстана Садыра Жапарава, прэзідэнта Егіпта Абдэль Фатаха аль-Сісі, прэм'ер-міністра Арменіі Нікола Пашыняна, кіраўніка Казахстана Касым-Жамарта Такаева, прэзідэнта Туркменістана Сердара Бердымухамедава.
Кіраўнік беларускай дзяржавы сазваніўся таксама з прэзідэнтам Азербайджана Ільхамам Аліевым. Лідары абмеркавалі беларуска-азербайджанскія адносіны, а таксама міжнародны парадак дня.
Акрамя таго, Аляксандр Лукашэнка стэлефанаваўся з ўзбекскім кіраўніком дзяржавы Шаўкатам Мірзіеевым наконт будучага саміту ШАС. А таксама – з першым прэзідэнтам Казахстана Нурсултанам Назарбаевым і спікерам Саўфеда РФ Валянцінай Мацвіенка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Генеральны сакратар ШАС пацвердзіў падачу заяўкі Беларусі на ўступленне ў арганізацыю
Беларусь будзе актыўна ўдзельнічаць ва ўсіх вымярэннях ШАС - Лукашэнка
Заява Пуціна і Сі Цзіньпіна: не каляровым рэвалюцыям і пашырэнню НАТА
Краінам ШАС трэба разам супрацьстаяць санкцыям Захаду – Галоўчанка
ЕАЭС і ШАС падпішуць мемарандум аб супрацоўніцтве - Глазьеў
Стужка навiн
0