Швейцарская гвардыя Ватыкана набірае новых рэкрутаў

© PixabayШвейцарскія гвардзейцы
Швейцарскія гвардзейцы - Sputnik Беларусь, 1920, 03.09.2022
Падпісацца на
НовостиTelegram
Цяпер гвардыя лічыцца самай малаколькаснай і старажытнай з існуючых у свеце армій.
МІНСК, 3 вер – Sputnik. Швейцарская гвардыя Ватыкана плануе павялічыць штат – са 110 да 135 чалавек, ужо аб’яўлены набор новых рэкрутаў.
Як гаворыцца ў паведамленні на сайце самай маленькай арміі ў свеце, гвардыя мае намер таксама павялічыць прысутнасць у Швейцарыі, стварыўшы там прэс-офіс.
"Набор рэкрутаў павінен суправаджацца больш актыўнай працай па сувязях з грамадскасцю. Для швейцарскіх СМІ будзе створаны цэнтр для прамога кантакту", - адзначаецца там.
З іншых функцый у новай установы будзе падтрыманне кантактаў з партнёрамі гвардыі.
Галоўнай місіяй швейцарскай гвардыі (поўная назва – Cohors pedestris Helvetiorum a sacra custodia Pontificis, "Пяхотная кагорта швейцарцаў свяшчэннай аховы Рымскага Папы") з’яўляецца забеспячэнне бяспекі Папы Рымскага. Гвардзейцы суправаджаюць яго ў паездках, ахоўваюць горад-дзяржаву Ватыкан і Кардынальскую калегію падчас правядзення канклава.
У гвардыю бяруць толькі каталікоў, якія з’яўляюцца грамадзянамі Швейцарыі, нежанатых, ва ўзросце да 30 гадоў, з моцным здароўем і бездакорнай рэпутацыяй. Кагорта была створана па ініцыятыве папы Юлія II 22 студзеня 1506 года. Цяпер гвардыя лічыцца самай малаколькаснай і старажытнай з існуючых у свеце армій.
У маі бягучага года прысягу на вернасць Папе і Святому прастолу прынеслі 36 рэкрутаў. Тады ж Ватыкан і спецыялізаваны швейцарскі фонд заключылі пагадненне аб умовах рэканструкцыі казарм гвардыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
У ЗША абвінавацілі Папу Рымскага ў падтрымцы расійскай спецаперацыі
Папа Рымскі лічыць, што была абвешчана трэцяя сусветная вайна
Папа Рымскі назваў "вяртаннем у мінулае" будаўніцтва сцен на межах
Стужка навiн
0