У ЕАБР патлумачылі чаму інфляцыя ў Беларусі запаволілася

© SputnikБеларускія грошы
Беларускія грошы - Sputnik Беларусь, 1920, 19.09.2022
Падпісацца на
НовостиTelegram
Аналітыкі банкаўскай установы яшчэ тыдзень таму рабілі прагноз, што цэны ў рэспубліцы вырастуць, але ў сітуацыю ўмяшаліся сезонныя фактары.
МІНСК, 19 вер – Sputnik. Інфляцыя ў Беларусі замарудзілася з 18,1% у ліпені да 17,9% у жніўні, канстатавалі ў штотыднёвым аналітычным аглядзе прэс-службы ЕАБР.
"Зніжэнне росту спажывецкіх цэн тлумачыцца патанненнем плодаагародніннай прадукцыі", – лічаць аналітыкі фінансавай установы.
Пры гэтым у аглядзе звярнулі ўвагу, што базавая інфляцыя ў жніўні працягнула павялічвацца і дасягнула 20,7% пасля 20,1% у ліпені. Гэта сведчыць аб тым, што цэнавы націск захоўваецца, у тым ліку з прычыны парушаных ланцужкоў у вытворчасці і лагістыцы.
У ЕАБР мяркуюць, што стрымліваць цэны ў рэспубліцы дапамагае слабы ўнутраны попыт і добры ўраджай збожжавых у бягучым годзе.
"Пад уздзеяннем гэтых фактараў гадавая інфляцыя можа знізіцца прыкладна да 17,5% у верасні", – прагназуецца ў аналітычным аглядзе.
Раней аналітыкі ЕАБР меркавалі, што інфляцыя ў Беларусі ў жніўні складзе 18%. Тым не менш, іх прагноз не апраўдаўся, і эканоміка рэспублікі спрацавала крыху лепш за чаканні.
У мінулым годзе ў рэспубліцы інфляцыя вырасла амаль на 10%. У бягучым годзе перад урадам была пастаўлена задача дабіцца гэтага паказчыка ў межах 6% па выніках 2022 года. У наш час гэты паказчык моцна перавышае мэтавае значэнне.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка запатрабаваў ад улад "віртуознай лагістыкі"
Расія можа павялічыць імпарт беларускага паліва
Тавараабарот Беларусі і Піцера ў 2022-м можа дасягнуць 2 млрд долараў
Стужка навiн
0