Расія не адмаўляецца ад прапаноў па кантактах з ЗША – Лаўроў
11:57 13.10.2022 (абноўлена: 15:22 13.10.2022)
© Sputnik / Пресс-служба МИД РФ
/ Падпісацца
Напярэдадні прэзідэнт Злучаных Штатаў Амерыкі Джо Байдэн заявіў, што не бачыць сэнсу зараз праводзіць перагаворы з расійскім калегам Уладзімірам Пуціным, аднак адзначыў, што мог бы абмеркаваць з Масквой пытанне зняволеных.
МІНСК, 13 кас – Sputnik. Расія не адмаўляецца ад прапаноў па кантактах ці перагавораў з ЗША, заявіў кіраўнік МЗС РФ Сяргей Лаўроў.
Паводле яго слоў, аднак, разумных ініцыятыў ад амерыканскага боку не паступала.
"Усе гэтыя размовы аб тым, хто хоча з намі сустракацца, хто не хоча з намі сустракацца – гэта яны самі сябе ўгаворваюць. Мы нікому не напрошваемся, мы неаднаразова аб гэтым заяўлялі. Ні ад адной сур’ёзнай, разумнай прапановы правесці кантакты мы ніколі не адмаўляліся. Разумных ініцыятыў ніхто не прапануе", - сказаў Лаўроў на саміце ў Астане, адказваючы на пытанне рэпарцёра "Россия 1" Паўла Зарубіна.
Напярэдадні прэзідэнт ЗША Джо Байдэн заявіў у інтэрв’ю CNN, што не бачыць сэнсу зараз праводзіць перагаворы з расійскім калегам Уладзімірам Пуціным, аднак адзначыў, што мог бы абмеркаваць з Масквой пытанне зняволеных.
Магчымы абмен зняволенымі
Нагадаем, ЗША прапануюць РФ абмяняць расійскага прадпрымальніка Віктара Бута, які ў 2012 годзе быў асуджаны на 25 гадоў за "намер незаконна гандляваць зброяй і падтрымку тэрарызму" на двух амерыканскіх грамадзян. Гаворка ідзе аб Поле Уілане – былым марпеху, якога ў 2020-м асудзілі ў Расіі за шпіянаж. Пакаранне – 16 гадоў калоніі.
Таксама Белы дом хоча абмяняць Бута на Брытні Грайнер – былую баскетбалістку, затрыманую ў Маскве 17 лютага 2022 года за кантрабанду наркотыкаў, ёй пагражае да 10 гадоў пазбаўлення волі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лаўроў сказаў, што гатоў паслухаць Блінкена па тэме абмену зняволенымі
На выпадак прымянення Расіяй ядзернай зброі ў ЗША ёсць план – Блінкен
Экстрэміст і вар’ят: Байдэн і Трамп абмяняліся "кампліментамі"
Рэйтынг адабрэння Байдэна ўпаў да рэкордных паказчыкаў
МЗС РФ: словы Байдэна аб Пуціне ставяць адносіны дзвюх краін на грань разрыву
