Подготовка мобилизованных для отправки в зону спецоперации - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Авіяцыя РФ знішчыла аб’екты ваеннага кіравання пад Кіевам і на Харкаўшчыне

© Sputnik / РИА Новости / Перайсці ў медыябанкПалявы аэрадром ПКС Расіі ў зоне правядзення спецыяльнай ваеннай аперацыі
Палявы аэрадром ПКС Расіі ў зоне правядзення спецыяльнай ваеннай аперацыі - Sputnik Беларусь, 1920, 14.10.2022
Падпісацца на
НовостиTelegram
Адбіта чарговая атака ўкраінскіх вайскоўцаў на чырвоналіманскім напрамку, заявілі ў Мінабароны РФ.
МІНСК, 14 кас – Sputnik. Расійскай авіяцыяй ліквідаваны аб’екты ваеннага кіравання і энергетыкі ў Кіеўскай і Харкаўскай абласцях, паведамілі ў міністэрстве абароны РФ у пятніцу.
Там падкрэслілі, што пры выкананні баявой задачы была выкарыстана высокадакладная зброя.

"Высокадакладнай зброяй ПКС Расіі ў Кіеўскай і Харкаўскай абласцях пашкоджаны аб’екты сістэмы ваеннага кіравання і энергетыкі", – распавялі ў ведамстве.

Таксама, паводле інфармацыі Мінабароны РФ, знішчаны арсенал у населеным пункце Броды Львоўскай вобласці, куды былі дастаўлены з краін Захаду і захоўваліся ў вялікай колькасці ўзбраенне, ваенная тэхніка і боепрыпасы. Баявая задача выканана з прымяненнем высокадакладнай зброі вялікай далёкасці марскога базіравання, удакладнілі ў міністэрстве.
Акрамя таго, за мінулыя суткі авіяцыя і артылерыя РФ знішчылі склады боепрыпасаў у Запарожскай, Мікалаеўскай абласцях і ДНР – усяго шэсць складоў. Ударамі аператыўна-тактычнай і армейскай авіяцыі ліквідаваны 63 артылерыйскія падраздзяленні праціўніка на агнявых пазіцыях, жывая сіла і ваенная тэхніка ў 156 раёнах, паведамілі ў ведамстве.

Красналіманскі напрамак

У Мінабароны таксама распавялі аб адбіцці чарговага нападзення ўкраінскіх вайскоўцаў на чырвоналіманскім напрамку.
Там адзначылі, што падраздзяленні УСУ на працягу сутак спрабавалі весці разведку боем па ўсёй лініі судакранання, аднак актыўнымі дзеяннямі расійскіх войск пры падтрымцы артылерыі праціўніку было нанесена агнявое паражэнне.
"Рэшткі ўкраінскіх падраздзяленняў адкінуты на зыходныя пазіцыі. Знішчана больш за 120 украінскіх вайскоўцаў, пяць баявых браніраваных машын, чатыры пікапы і чатыры аўтамабілі", – паведамілі ў Мінабароны РФ.

Праца СПА

Паводле інфармацыі міністэрства, за мінулыя суткі расійскія комплексы СПА збілі 14 снарадаў РСЗА HIMARS і "Вольха" і 15 беспілотнікаў.
Першыя былі ліквідаваны ў паветры ў шэрагу раёнаў Херсонскай вобласці, а БПЛА – у Харкаўскай, Запарожскай, Херсонскай і Днепрапятроўскай абласцях, а таксама ДНР і ЛНР.
Акрамя таго, распавялі ў міністэрстве, аператыўна-тактычнай авіяцыяй ПКС Расіі ў раёне населенага пункта Беразнегаватае Мікалаеўскай вобласці быў збіты ўкраінскі самалёт Су-24.

Спецтэхніка, артылерыя і мінамёты

Па даных Мінабароны РФ, усяго расійскія войскі з дня пачатку спецаперацыі на Украіне ўжо знішчылі больш за 10 тысяч адзінак украінскай спецтэхнікі, артылерыі і мінамётаў.
"Знішчаны: 322 самалёты, 161 верталёт, 2 226 беспілотных лятальных апаратаў, 380 зенітных ракетных комплексаў, 5 753 танкі і іншыя баявыя браніраваныя машыны, 869 баявых машын рэактыўнай сістэмы залпавага агню, 3 473 гарматы палявой артылерыі і мінамёты, а таксама 6 560 адзінак спецыяльнай ваеннай аўтамабільнай тэхнікі", - гаворыцца ў паведамленні расійскага ваеннага ведамства.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
УСУ нясуць страты з-за няўдалых наступленняў – Мінабароны РФ
Больш няма неабходнасці масіраваных удараў па Украіне – Пуцін
УСУ абстралялі Белгародскую вобласць – загінулі людзі
ФСБ назвала арганізатара тэракта на Крымскім мосце
"Ночные охотники" знішчаюць бранятэхніку УСУ – відэа
Стужка навiн
0