Абхазія можа стаць новым членам Саюзнай дзяржавы

© Sputnik / Владимир Попов / Перайсці ў медыябанкСухум трыумфуе
Сухум трыумфуе - Sputnik Беларусь, 1920, 18.10.2022
Падпісацца на
НовостиTelegram
Візіт прэзідэнта Беларусі Аляксандра Лукашэнкі надаў новы імпульс развіццю адносін паміж Мінскам і Сухумам.
МІНСК, 18 кас – Sputnik. Абхазія зацікаўлена ў развіцці гандлёва-эканамічных адносін з Беларуссю, аб гэтым расказалі ўдзельнікі відэамоста Мінск – Сухум у мультымедыйным прэс-цэнтры Sputnik Беларусь.
Паводле слоў намесніка міністра замежных спраў рэспублікі Іраклія Тужбы, паміж Беларуссю і Абхазіяй існуе дастаткова добрае ўзаемадзеянне на высокім узроўні.

"Нашы прадстаўнікі сустракаюцца на розных пляцоўках, але хачу нагадаць, што ў чэрвені гэтага года ў Абхазіі пабываў спецпрадстаўнік прэзідэнта Беларусі Віктар Шэйман, які меў магчымасць правесці сустрэчы з кіраўніцтвам нашай рэспублікі, дзе ўдалося абмеркаваць актуальныя пытанні двухбаковага ўзаемадзеяння. Апагеем усяго гэтага працэсу, безумоўна, трэба лічыць візіт лідара беларускай дзяржавы, які адбыўся ўпершыню", – сказаў ён.

© SputnikВідэамост у мультымедыйным прэс-цэнтры Sputnik
Видеомост в мультимедийном пресс-центре Sputnik - Sputnik Беларусь, 1920, 18.10.2022
Відэамост у мультымедыйным прэс-цэнтры Sputnik
Намеснік міністра асабліва падкрэсліў, што візіт прэзідэнта Беларусі меў важнае гістарычнае значэнне. На гэтым этапе размова ідзе аб наладжванні гандлёва-эканамічнага ўзаемадзеяння, развіцця ў культурнай, гуманітарнай і іншых сферах.
"Але мы таксама, вядома, хацелі б спадзявацца на тое, што з часам нашы добрыя ўзаемаадносіны, якія склаліся за гэтыя гады, перарастуць у нешта большае, і мы пяройдзем ужо да этапу ўстанаўлення дыпламатычных і палітычных кантактаў", - сказаў намеснік міністра.
У сваю чаргу кіраўнік гандлёвага прадстаўніцтва Абхазіі ў Расійскай Федэрацыі Алег Барцыц дадаў, што рэспубліка зацікаўлена ў рэальных праектах паміж дзвюма краінамі. У прыватнасці, у адкрыцці гандлёвага дома Абхазіі ў Беларусі, стварэнні пляцовак па рэалізацыі і абслугоўванні беларускай тэхнікі ў рэспубліцы.
"Прэзідэнт Аляксандр Лукашэнка ставіць дакладную задачу – пошук эканамічных сувязей. Ні для каго не сакрэт, што Ліберальна-дэмакратычная партыя Беларусі ў большай частцы складаецца з прадпрымальнікаў. Мы гатовы выязджаць у Абхазію. Ужо зараз ехаць туды і шукаць эканамічных партнёраў. Я думаю, што пасля гэтага тэлемоста ў нас будзе нейкі абмен кантактамі для далейшага ўзаемадзеяння і прадаўжэння зносін, у тым ліку і наконт эканомікі", – сказаў намеснік старшыні ЛДПБ Алег Чэсалаў.
© SputnikНамеснік старшыні ЛДПБ Алег Чэсалаў
Олег Чесалов - Sputnik Беларусь, 1920, 18.10.2022
Намеснік старшыні ЛДПБ Алег Чэсалаў
Удзельнікі відэамоста не выключылі, што ў перспектыве Саюзная дзяржава Беларусі і Расіі можа прырасці новым членам.
"Наша рэспубліка зацікаўлена прыняць удзел у рабоце гэтага саюзнага механізма, скажам так, і гатова далучыцца да гэтага аб’яднання. Будзем спадзявацца, што ў бліжэйшай перспектыве сітуацыя выспее для таго, каб і краіны-члены Саюзнай дзяржавы былі гатовы да прыняцця такога рашэння, і Абхазія зможа прыняць паўнапраўны ўдзел у працы гэтага важнага рэгіянальнага механізма", - адзначыў Тужба.
На думку кіраўніка цэнтра сацыяльна-эканамічных даследаванняў Абхазіі Алега Даменія, сёння рэспубліка зацікаўлена ў доўгатэрміновым супрацоўніцтве з такімі надзейнымі партнёрамі, як Беларусь і Расія.
"І Беларусь, і Абхазія ў геапалітычным плане маюць такое становішча, якое пераклікаецца адна з адной. Беларусь як бы абараняе Расію ад пагроз з заходняга боку. А Абхазія, са свайго боку, у сілу сваіх маштабаў і гэтак далей таксама абараняе Расію з паўднёвай", - сказаў ён.
У рамках круглага стала грамадскі і палітычны дзеяч, кіраўнік аргкамітэта рэспубліканскай партыі "За Айчыну" Андрэй Іваноў запрасіў прадстаўнікоў бізнес-колаў Абхазіі прыняць удзел у дзелавым форуме "Лівадыя", які адбудзецца ў сярэдзіне снежня гэтага года ў сталіцы Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка прыбыў у Піцунду і сустрэўся з прэзідэнтам Абхазіі
Прэзідэнт Абхазіі ацаніў якасць беларускай прадукцыі
Абхазы пра Беларусь: прыгожы прэзідэнт, бульба і гаспадарлівыя людзі
Стужка навiн
0