Крушэнне знішчальніка Су-34 у Ейску: загінули 13 чалавек

© Sputnik / Виталий Тимкив / Перайсці ў медыябанкУ Ейску пацярпеў крушэнне самалёт Су-34
У Ейску пацярпеў крушэнне самалёт Су-34 - Sputnik Беларусь, 1920, 18.10.2022
Падпісацца на
НовостиTelegram
Франтавы звышгукавы знішчальнік-бамбардзіроўшчык Су-34 упаў у жылым мікрараёне, лётчыкі паспелі катапультавацца.
МІНСК, 18 кас – Sputnik. У выніку падзення самалёта Су-34 у горадзе Ейску Краснадарскага краю Расіі загінули 13 чалавек, пра гэта паведамляе МНС Расіі.
Па звестках ведамства, разбор завалаў завершаны. Агульная колькасць загінулых склала 13 чалавек, з іх трое дзяцей, пацярпелі 19 чалавек. У бальніцы знаходзіцца 11 чалавек, сярод іх – дзве цяжарных жанчыны, яшчэ чацвёра, уключаючы дваіх дзяцей, на ШВЛ, з-за цяжкага стану іх перавезлі ў Краснадар.
Падчас пошукава-выратавальнай аперацыі было выратавана 68 чалавек, больш за 360 эвакуіравана.
Трагедыя адбылася ўвечары 17 кастрычніка. Франтавы звышгукавы знішчальнік-бамбардзіроўшчык Су-34 упаў пры наборы вышыні для выканання вучэбна-трэніровачнага палёту з ваеннага аэрадрома Паўднёвай ваеннай акругі.
Самалёт пацярпеў крушэнне ў межах горада. Лётчыкі паспелі катапультавацца.
На месцы падзення Су-34 у двары аднаго з жылых кварталаў Ейска адбылося ўзгаранне паліва знішчальніка. Па даных МНС, пасля падзення самалёта загарэліся кватэры з першага па пяты паверх 9-павярховага жылога дома. Плошча пажару склала больш за дзве тысячы квадратных метраў.
Пажар у жылым доме патушаны. Суседнія дамы і сацаб'екты, размешчаныя паблізу, не пацярпелі.
Паводле папярэдніх звестак, прычынай здарэння стала ўзгаранне, якое здарылася ў адным з рухавікоў Су-34 падчас узлёту.
Для ацэнкі стану дома створана спецыяльная камісія. У межах дома ўведзены рэжым НС. Па факце падзення Ваенная пракуратура Паўднёвай ваеннай акругі арганізавала праверку, Галоўным ваенным следчым упраўленнем СК Расіі ўзбуджана крымінальная справа.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лётчыкам, якія загінулі пад Баранавічамі, прысвоілі званне "Герой Беларусі"
Усе пасажыры і экіпаж Ан-26 на Камчатцы, паводле папярэдніх звестак, загінулі
Сем чалавек загінулі пры крушэнні самалёта пад Кемерава
Стужка навiн
0