Лукашэнка супраць, каб беларускае ўзбраенне аказалася ва Украіне: там свае людзі
11:49 21.10.2022 (абноўлена: 12:54 21.10.2022)
© Photo : пресс-служба президента Беларуси
Падпісацца
Прэзідэнту сёння прадэманстравалі адзіны ў свеце разведвальна-ўдарны беспілотны верталёт.
МІНСК, 21 кас – Sputnik. Прэзідэнт Беларусі Аляксандр Лукашэнка выказаўся супраць таго, каб беларускае ўзбраенне аказалася ва Украіне. Аб гэтым паведамляе прэс-служба кіраўніка дзяржавы.
Сёння Лукашэнка наведвае агульнавайсковы палігон Абуз-Лясноўскі ў Брэсцкай вобласці. Тут беларускаму лідару прадставяць айчынныя распрацоўкі ваенна-прамысловага комплексу, у тым ліку беспілотныя авіяцыйныя комплексы, якія ўжо стаяць на ўзбраенні беларускай арміі.
"Ты ж не проста паказваеш у адзіным экзэмпляры ўзор. Любы ўзор зараз на фронт – і ён ваюе? Не дай бог, мне даложаць, што ты тут паказухай займаўся, - гэта бяда", - папярэдзіў Лукашэнка кіраўніка Дзяржкамваенпрама Дзмітрыя Пантуса.
Ён адзначыў, што беларускае ўзбраенне трэба прадаваць тым, хто гатоў яго набываць. Пры гэтым, паводле слоў Лукашэнкі, ва Украіне, дзе ідзе спецыяльная ваенная аперацыя, ён яго бачыць не хацеў бы.
"Непажадана, вядома, каб нашы ўзоры ваявалі ва Украіне: усё ж такі свае людзі", - удакладніў прэзідэнт.
Адзіны ў свеце верталёт-беспілотнік
На палігоне прэзідэнту паказалі таксама і разведвальна-ўдарны беспілотны верталёт. Як адзначылі ў прэс-службе беларускага лідара, у гэтай машыны няма аналагаў у свеце. "Падобная тэхніка ёсць толькі ў ЗША, але яе эфектыўнасць значна ніжэйшая. Прычым цікава, што амерыканцы не дзеляцца гэтай распрацоўкай са сваімі партнёрамі", - гаворыцца ў паведамленні на сайце прэзідэнта.
Прэзідэнт Беларусі Аляксандр Лукашэнка на агульнавайсковым палігоне Абуз-Лясноўскі
© Photo : пресс-служба президента Беларуси
"Гэта значыць, мы на зямлі бачым усё? Наколькі ён будзе непаражальным у баі? Колькі можаце вырабляць у месяц? Якая эфектыўнасць? Узялі на ўзбраенне?" - пацікавіўся Лукашэнка ў дачыненні да кожнага прататыпа.
Разведвальна-ўдарны беспілотны верталёт, якому няма аналагаў у свеце
© Photo : пресс-служба президента Беларуси
Як расказалі кіраўніку дзяржавы, частка прадстаўленых яму вырабаў стаіць на ўзбраенні, частка праходзіць выпрабаванні, а некаторыя перададзены арміі на паддоследную эксплуатацыю. ПЗ і сістэмы кіравання ў беларускіх беспілотнікаў таксама беларускай вытворчасці.
Беспілотны авіяцыйны комплекс "Міратворац"
© Photo : пресс-служба президента Беларуси
Танкам быць
Акрамя беспілотнікаў, прэзідэнту яшчэ паказалі іншыя ўзоры ўзбраення, ваеннай і спецыяльнай тэхнікі.
"З пункту гледжання сучаснай вайны патрэбны больш сучасныя танкі?" - спытаў кіраўнік дзяржавы.
У адказ кіраўнік Мінабароны Віктар Хрэнін адзначыў: "Мы мадэрнізуем, і яны не горшыя за Т-90".
"Гэта значыць, трэба свае танкі прывесці ў парадак – і нармальна. Калі ён кажа, што гэта добры танк, будзем на яго арыентавацца. Давайце будзем да розуму гэтыя танкі даводзіць", - сказаў Лукашэнка.
Пры гэтым беларускі лідар пацікавіўся, ці актуальна наогул выкарыстанне танкаў у сучасных баявых умовах. Лукашэнка прызнаўся, што на яго больш робяць уражанне беспілотнікі і спосабы барацьбы з імі.
"Толькі танкам можна забяспечыць актыўнасць абароны", – сказаў у адказ Хрэнін.
"Гэта значыць танкам быць? Таму трэба мадэрнізаваць. Трэба выходзіць на больш істотныя аб'ёмы мадэрнізацыі", - паставіў задачу Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка анансаваў размову аб вытворчасці беларускіх беспілотнікаў
Прамыя канкурэнты HIMARS: як гучаць беларускія "Паланэзы" – відэа
Беларускі ВПК залежыць ад імпартных кампанентаў – Лукашэнка
Беларускаму Т-72 арганізавалі жорсткія выпрабаванні на палігоне – відэа
Ад ударнага БПЛА да броніка для шпіца: з помпай адкрылася выстава ўзбраенняў
