Мінсельгасхарч расказаў аб сітуацыі з тэтрапакам у Беларусі
© Sputnik / Александр Кряжев
/ Падпісацца
Праблемы з упакоўкай у краіне ўзніклі пасля санкцый, на гэтае пытанне звярнуў увагу асабіста прэзідэнт.
МІНСК, 26 кас – Sputnik. Упакоўка для малака пастаўляецца ў Беларусь з-за мяжы, сваёй вытворчасці пакуль няма, аб гэтым заявіў міністр сельскай гаспадаркі і харчавання Ігар Брыло.
Кіраўнік ведамства запэўніў, што зараз ніякіх праблем з тэтрапакам няма – усё вырашана.
"У нас няма ніякіх праблем з упакоўкай, гэта бачна на прылаўках. У нас ёсць намёткі па вытворчасці некаторых відаў упакоўкі ў краіне, мы над гэтым цяпер працуем. Ну, і пастаўкі ідуць – з Кітая, Расіі, шэрага еўрапейскіх краін", - цытуе міністра БелТА.
Малака – у дастатку
Брыло таксама адзначыў, што ні адно малочнае прадпрыемства ў краіне не загружана поўнасцю – можна нарошчваць аб’ёмы вытворчасці ў бліжэйшыя 3-5 гадоў. У гэтым годзе, паводле яго слоў, у Беларусі вырабяць 8 млн тон малака.
У цэлым жа экспарт беларускіх прадуктаў харчавання па выніках года стане рэкордным – на ўзроўні 8 млрд долараў (за 9 месяцаў ужо 5,2 млрд долараў, рост на 25%).
"Беларусь займае адно з лідзіруючых месцаў у свеце па вытворчасці малака на душу насельніцтва. Узровень самазабеспячэння па малаку – 263%. Гэта значыць, мы не толькі забяспечваем унутраны рынак малочнай прадукцыяй, але і даволі шмат экспартуем", - заявіў міністр.
Ён адзначыў, што, нягледзячы на санкцыі, Беларусь па-ранейшаму актыўна прадае сваю прадукцыю ў свеце: прадукты харчавання пастаўляюцца ў больш як 100 краін.
Беларускі тэтрапак
У Беларусі на фоне заходніх санкцый узніклі праблемы з упакоўкай, у сувязі з гэтым скараціўся і асартымент малочнай прадукцыі на прылаўках айчынных крам.
Гэта праблема абмяркоўвалася падчас рабочай паездкі прэзідэнта Аляксандра Лукашэнкі на малочны камбінат. Ён даручыў наладзіць у краіне вытворчасць упакоўкі для прадуктаў харчавання, асабліва – тэтрапака.
"Каб гэты ўпаковачны матэрыял быў зроблены ў Беларусі. Каб да канца года матэрыял быў", - заявіў прэзідэнт.
Ён таксама падкрэсліў, што хімічная прамысловасць у краіне вельмі развіта, а "мы не можам цырату гэтую вырабіць".
У жніўні гэтага года кіраўнік Мінсельгасхарча Ігар Брыло паведаміў, што тэтрапакі для беларускага малака пачалі паступаць з Расіі і Кітая, выпрацоўваецца стратэгія па наладжванні вытворчасці ўласнага ўпаковачнага матэрыялу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Чаму скараціўся малочны асартымент, расказалі ў Мінсельгасхарчы
Белстат назваў топ беларускіх тавараў, якія купляюць расіяне
Мінсельгасхарч зноў абнавіў мінімальныя экспартныя цэны на прадукты
