Мішусцін: народы СНД аб’ядноўвае агульны цывілізацыйны код

© Sputnik / Дмитрий Астахов / Перайсці ў медыябанкПрэм'ер-міністр РФ Міхаеіл Мішусцін прымае ўдзел у пасяджэнні Савета кіраўнікоў урадаў СНД у Астане
Прэм'ер-міністр РФ Міхаеіл Мішусцін прымае ўдзел у пасяджэнні Савета кіраўнікоў урадаў СНД у Астане - Sputnik Беларусь, 1920, 28.10.2022
Падпісацца на
НовостиTelegram
Расійскі прэм’ер падкрэсліў, што Масква застаецца надзейным партнёрам і саюзнікам для краін Садружнасці Незалежных Дзяржаў.
МІНСК, 28 кас – Sputnik. Прэм’ер-міністр Расіі Міхаіл Мішусцін адзначыў, што краіны СНД звязаны агульнай гісторыяй і традыцыямі, іх аб’ядноўвае цывілізацыйны код. Ён таксама падкрэсліў, што Масква заўсёды заставалася надзейным партнёрам для саюзнікаў па СНД.
"Узаемадзеянне ўнутры Садружнасці працягвае развівацца. Расія застаецца надзейным саюзнікам і гандлёвым партнёрам. Мы ўважліва і з павагай ставімся да інтарэсаў бліжэйшых суседзяў", - сказаў Мішусцін на пасяджэнні савета кіраўнікоў урадаў СНД, якое праходзіць у Астане, гаворачы аб бягучай сітуацыі ў свеце.
Мішусцін падкрэсліў, што ўзаемадзеянне паміж краінамі СНД прадаўжаецца і пашыраецца, нягледзячы на ​​санкцыі Захаду і цяжкасці ў сусветнай эканоміцы. Паводле яго слоў, узаемадзеянне паміж краінамі не абмяжоўваецца толькі эканомікай – народы краін Садружнасці, а гэта амаль 300 мільёнаў грамадзян, звязаныя і агульнай гісторыяй, і агульнымі традыцыямі.
"У нас агульны цывілізацыйны код, падобны погляд на многія праблемы сучаснасці", – адзначыў кіраўнік расійскага ўрада.
Ён таксама паведаміў, што ў 2021 годзе тавараабарот Расіі з дзяржавамі СНД павялічыўся на трэць, а экспарт – на чвэрць, перавысіўшы 65 мільярдаў долараў.

Долар як зброя і нацыянальныя валюты

Расійскі прэм’ер таксама асобна закрануў тэму наступстваў заходняй санкцыйнай палітыкі і гегемоніі долара як фінансавага інструмента ўплыву.
Паводле слоў Мішусціна, Захад дыскрэдытаваў інстытут міжнародных фінансавых рэзерваў і таму ва ўзаемным гандлі на прасторы СНД ад гэтай валюты трэба адмовіцца.
"Выкарыстоўваючы долар як зброю, Захад у цэлым дыскрэдытаваў інстытут міжнародных фінансавых рэзерваў", - сказаў Мішусцін.
На думку расійскага прэм’ера, краіны СНД павінны зрабіць вывады з падзей апошніх месяцаў і разлічваць "на свае магчымасці", працягваць і пашыраць дзелавыя кантакты на прасторы СНД, умацоўваць тэхналагічную незалежнасць і суверэнітэт.
"Для яго дасягнення патрэбен паскораны пераход на нацыянальныя валюты і адмова ад долара ва ўзаемным гандлі, а таксама ўкараненне ўласных сістэм перадачы фінансавых паведамленняў, якія проста не будуць ні ад кога залежаць, у тым ліку ад краін Захаду", - падкрэсліў Мішусцін.
Нагадаем, у сённяшнім пасяджэнні бяруць удзел прэм’ер Казахстана Аліхан Смаілаў, прэм’ер Азербайджана Алі Асадаў, віцэ-прэм’ер Арменіі Мгер Грыгаран, прэм’ер Беларусі Раман Галоўчанка, прэм’ер Кіргізіі Акылбек Жапараў, прэм’ер Таджыстана Кахір Расулзада, прэм’ер Узбекістана Абдула Арыпаў, віцэ-прэм’ер Туркменістана Хаджамырат Гелдымырадаў.
Прэм’еры краін СНД і краінавыя дэлегацыі будуць абмяркоўваць супрацоўніцтва ў гандлёва-эканамічнай, навукова-тэхнічнай, гуманітарнай, тэхналагічнай і інавацыйнай сферах, уключаючы пытанні радыёнавігацыі і лічбавай трансфармацыі галін хімічнага комплексу.
Па выніках пасяджэння кіраўнікоў урадаў СНД у Астане плануецца падпісанне шэрага міжнародных пагадненняў і дакументаў. Пасяджэнне стала 80-м з пачатку працы СНД з 8 снежня 1991 года і другім у 2022 годзе, калі ў Садружнасці старшынствуе Казахстан.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Пуцін на нарадзе з кіраўнікамі органаў бяспекі і спецслужбаў СНД – відэа
Украіна толькі падстава: Лукашэнка назваў сапраўдныя мэты заходніх стратэгаў
Пуцін: падзеі ва Украіне і ў іншых краінах СНД патрабуюць выпрацоўкі мер
Стужка навiн
0