Палітычная сістэма Беларусі больш справядлівая, чым у многіх краін свету – МЗС
09:29 28.10.2022 (абноўлена: 09:37 28.10.2022)
© Photo : МИД Беларуси
Падпісацца
У знешнепалітычным ведамстве адзначаюць, што Беларусь уяўляе каштоўнасць для заходніх краін толькі як дарога на Расію.
МІНСК, 28 кас – Sputnik. Палітычная сістэма ў Беларусі больш справядлівая, чым у пераважнай большасці краін свету, аб гэтым заявіў намеснік міністра замежных спраў рэспублікі Юрый Амбразевіч.
Дыпламат таксама растлумачыў, што гэта сістэма не мае на ўвазе агульную "ўраўнілаўку", а стварае ўмовы кожнаму чалавеку вырасці ў развітую асобу, атрымаць канкурэнтаздольную адукацыю, знайсці дастойную работу і мець доступ да якаснай аховы здароўя.
Па словах Амбразевіча, Мінск ніколі не адмаўляў канцэпцыю праў чалавека, і яна з’яўляецца асновай прававой дзяржавы. Аднак універсальнага крытэрыю для яе вызначэння, які ўраўноўвае ўсе падыходы да тэматыкі праў чалавека на міжнародным узроўні, няма.
Намеснік кіраўніка МЗС растлумачыў, што кожнае грамадства, краіна ці дзяржава з’яўляецца гарантам праў чалавека. Пры гэтым правы не могуць існаваць без абавязкаў.
"Суадносіны агульных даброт і індывідуальных праў уласцівы кожнаму грамадству і маюць абсалютна індывідуальны кантэкст для ўсіх дзяржаў і краін", - сказаў ён у эфіры канала АНТ.
ААН і АДКБ
Дыпламат заявіў, што арганізацыя Дагавора аб калектыўнай бяспецы (АДКБ), нягледзячы на шэраг нюансаў, даказала сваю эфектыўнасць, і яна будзе ўмацоўвацца – для гэтага ёсць усе інструменты. Сур’ёзныя крокі ў гэтым напрамку будуць бачны ўжо ў "самай агляднай будучыні.
Нагадаем, што Беларусь будзе старшынстваваць у АДКБ у 2023 годзе.
"Мы плануем сур’ёзна папрацаваць над тым, каб гэтая структура дадаткова садзейнічала нашай з вамі абараназдольнасці і бяспецы", - адзначыў Амбразевіч.
Намеснік міністра таксама выказаўся аб рэфармаванні Арганізацыі Аб’яднаных Нацый (ААН).
На яго думку, нельга пераўтварыць ААН, не змяніўшы пры гэтым міжнародныя адносіны.
Калектыўны Захад, паводле слоў дыпламата, часта выкарыстоўвае ААН як пляцоўку для агрэсіўнай прапаганды, і арганізацыя выступае ў выніку як "рупар Захаду і НАТА".
Вайна магчыма
Класічная вайна супраць Расіі стала немагчымай дзякуючы ядзернаму стрымліванню, аднак гэта прывяло да санкцый, заявіў намеснік кіраўніка беларускага МЗС. Гэтымі дзеяннямі Захад спрабуе дабіцца выключна сваіх стратэгічных інтарэсаў, пашырэння зоны ўплыву, і хоча адсунуць зону ўплыву Расіі.
Пры гэтым, паводле слоў Амбразевіча, варыянт вайны магчымы, аналагічныя сітуацыі з супрацьстаяннем дзвюх дзяржаў былі ў Карэі, В’етнаме, Афганістане, а зараз гэта адбываецца ва Украіне.
Дарога на Расію
У беларускім знешнепалітычным ведамстве мяркуюць, што рэспубліка ўяўляе каштоўнасць для заходніх краін толькі як дарога на Расію – самая кароткая і самая добраўпарадкаваная. Аслабленне Беларусі для Захаду з’яўляецца сродкам у справе аслаблення Расіі, і за ім павінна быць аслабленне Кітая.
Заходнія дзяржавы перасталі б папракаць Мінск парушэннямі дэмакратычных прынцыпаў толькі ў выпадку змянення палітыкі краіны, напрыклад, пасля прыходу да ўлады "марыянетачнага ўрада", які падтрымліваецца звонку, адзначыў Амбразевіч.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Адзіным гарантам суверэнітэту Украіны магла быць толькі РФ – Пуцін
Архітэктура міжнароднай бяспекі разбурана – Вальфовіч
Пуцін аб пазіцыі Захаду: што з Расіі не зыходзіць – усё інтрыгі Крамля
Лукашэнка: Беларусь і Расія не жадаюць эскалацыі, але гэта "не ад нас залежыць"
Пуцін нагадаў Захаду аб прапановах Расіі па ўмацаванні даверу
