Гэта добры знак: Вудкрафт пракаменціраваў перамогу "Дынама" над "Куньлунем"
10:00 03.11.2022 (абноўлена: 12:33 03.11.2022)
© Photo : Telegram / ХК Динамо Минск
Падпісацца
Хакеісты мінскага "Дынама" завяршылі чарговую выязную серыю ў КХЛ перамогай над кітайскай камандай "Куньлунь".
МІНСК, 3 ліс – Sputnik. Галоўны трэнер мінскага хакейнага клуба "Дынама" Крэйг Вудкрафт лічыць, што пачатак матча з "Куньлунем" атрымаўся не такім, як планавалася, паведамляе прэс-служба "зуброў".
"Пачатак матча атрымаўся не такім, як планавалі. Але далей каманда выдатна адрэагавала, вярнулася ў гульню і зраўняла лік яшчэ да першага перапынку", - пракаменціраваў трэнер ход гульні.
Затым, паводле яго слоў, падапечныя здолелі стварыць шмат галявых момантаў і ў выніку "былі ўзнагароджаныя за 60 хвілін старанняў".
"Рады за каманду. Такая праца і перамога – добры знак", - лічыць трэнер.
Падводзячы вынікі выязной серыі, Вудкрафт адзначыў, што ў двух матчах каманда не набрала ачкоў, хаця гуляла добра.
"У тым жа матчы з ЦСКА ёсць пытанні па другім голе. З "Локомотивом" заслугоўвалі большага, чым нуль ачкоў. Але ў цэлым змест гульні быў якасны", - адзначыў ён.
Па словах хакейнага настаўніка, ёсць кампаненты, на якія варта звярнуць увагу, таму што ў некаторых матчах "Дынама" да перамогі не хапала зусім нямнога.
"Падзяляе тонкая грань паміж перамогай і паражэннем. У матчы з "Куньлунем" усе шэсцьдзесят хвілін правялі выдатна, былі галодныя да перамогі і вырвалі яе. Гэта добры знак на будучыню. Хачу адзначыць таксама гульню Мартынава, ён выдатна сябе праявіў", - падсумаваў галоўны трэнер.
Нагадаем, што Ігар Мартынаў прынёс мінчанам перамогу, закінуўшы ў матчы з "Куньлунем" шайбу за 0,1 секунды да фінальнай сірэны. У выніку "дынамаўцы" выйгралі з лікам 2:3.
Наступны матч мінскае "Дынама" правядзе ўжо дома 6 лістапада супраць "Сочи". Затым будуць яшчэ дзве гульні на дамашнім лёдзе: 9 лістапада супраць "Спартака" і 11 лістапада супраць "Локомотива".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Кіраўнік МАК заклікаў выконваць санкцыі супраць беларусаў і расіян
Вудкрафт спадзяецца, што перамога над "Сочи" надасць "Дынама" больш упэўненасці
Абнавіўся рэйтынг WTA: якія месцы займаюць беларускі
Беларуска Церах зноў сярод пераможцаў велачэмпіянату Расіі
Міністр спорту РФ спадзяецца на допуск беларусаў і расіян да Алімпіяды
