Анлайн-плацяжы па картах банкаў РФ у Беларусі паступова аднаўляюцца

© Sputnik / Алексей Филиппов / Перайсці ў медыябанкКарты плацежнай сістэмы "Мир"
Карты плацежнай сістэмы Мир - Sputnik Беларусь, 1920, 07.11.2022
Падпісацца на
НовостиTelegram
Даныя беларускага правайдара плацяжоў паказваюць, што ёсць усплёск транзакцый з замежных карт – адзін з найбуйнейшых з 2020 года.
МІНСК, 7 ліс – Sputnik. Доля паспяховых транзакцый па картах замежных банкаў у беларускіх анлайн-плацяжах падвоілася па выніках верасня і зраўнялася з доляй расійскіх карт, паведамляе Sputnik.
Па даных сэрвісу аплаты bePaid ("ИКомЧардж"), гэта 23,49% ад усяго аб’ёму транзакцый па замежных картах. Доля расійскіх карт – 23,06%.
Раней аб’ёмы плацяжоў па картах, выпушчаных за мяжой, рэзка павялічваліся вясной 2020 года (да 24, 56%). Потым паўтара года было зніжэнне да 6,15% у верасні мінулага года.
"Адначасова расла і колькасць няўдалых транзакцый. Напрыклад, у верасні 2021 года колькасць няўдалых транзакцый перавысіла колькасць удалых", – растлумачыла кампанія-правайдар.
Транзакцыі па расійскіх картах у першай палове 2020 года займалі 44-45%. У верасні 2021-га яны выраслі да 61,95%. Пасля сыходу Visa і Mastercard з рынку РФ доля ўпала да 8,03% у красавіку 2022-га. Гэта значыць колькасць плацяжоў зменшылася ў 15 разоў. Таксама на адну ўдалую транзакцыю прыйшлося восем адмоў.
У верасні гэтага года доля расійскіх карт вырасла да 23,06%. Але аб’ём не аднавіўся да ўзроўню пачатку года, і праблема няўдалых плацяжоў яшчэ актуальная: праходзіць толькі каля 50% транзакцый. Сітуацыя рэзка пагоршылася ў красавіку, калі было 54%. Для параўнання: у мінулым годзе няўдалымі былі толькі 25% транзакцый па замежных картах.
Адзіным спосабам анлайн-плацяжу з Расіі ў Беларусь застаецца карта "МИР". Але некаторыя расійскія кліенты яшчэ спрабуюць выкарыстоўваць Visa і Mastercard, якія працуюць толькі ў РФ.
У цэлым доля інтэрнэт-плацяжоў па картах замежных банкаў у Беларусі – 5-7%. А працэнт адмоў па плацяжах карт банкаў іншых краін пакуль даволі вялікі – 40%. Адна з найбольш частых прычын – блакіраванне банкам-эмітэнтам магчымасці плаціць у адрас беларускіх кампаній.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
У Турцыі арганізавалі акцыю пратэсту з-за картак "Мир"
"Мир" - альтэрнатыва Visa і Mastercard або яшчэ адна картка ў кашальку?
Плацяжы з картак "Мир" у Беларусі растуць і па ліку, і па аб'ёме
Стужка навiн
0