Беларусь будзе плаціць у рублях па крэдыце Таварна-крэдытнай карпарацыі ЗША

© Sputnik / Виктор ТолочкоБеларускія рублі
Беларускія рублі - Sputnik Беларусь, 1920, 26.11.2022
Падпісацца на
НовостиTelegram
Гэта мера прынята для своечасовага і поўнага ажыццяўлення выплат па пазыках амерыканскай Таварна-крэдытнай карпарацыі.
МІНСК, 26 ліс – Sputnik. Беларусь будзе плаціць у беларускіх рублях па крэдыце Таварна-крэдытнай карпарацыі ЗША, гэта прадугледжана сумеснай пастановай Савета міністраў і Нацбанка Беларусі №801/25 ад 21 лістапада, якая афіцыйна апублікавана на Нацыянальным прававым інтэрнэт-партале.
У дакуменце гаворыцца, што гэта стане часовым парадкам ажыццяўлення выплат па знешніх дзяржаўных пазыках, прыцягнутых ад Таварна-крэдытнай карпарацыі ЗША.
Гэта мера прынята для своечасовага і поўнага ажыццяўлення выплат па гэтых пазыках.
Пастанова ўступае ў сілу з дня яе афіцыйнага апублікавання.

Парадак разліку працягнецца

Раней міністр фінансаў Юрый Селіверстаў заявіў, што ў 2023 годзе Беларусь працягне плаціць па знешніх пазыках недружалюбным краінам па часовым парадку. Гэта значыць, што пагашэнне будзе ісці ў беларускіх рублях.

"Пакуль з нашага плацежнага агента – Нацыянальнага банка не здымуць санкцыі, магчымасці аплаты абмежаваны, таму гэта не па нашай віне", - заявіў ён.

Плаціць па даўгах заходнім краінам у рублях вырашана з-за адсутнасці тэхнічнай магчымасці правесці валютны плацеж з-за рэстрыкцый.
Міжнародныя крэдытныя рэйтынгавыя агенцтвы адрэагавалі на такое рашэнне афіцыйнага Мінска зніжэннем крэдытнага рэйтынгу рэспублікі да пераддэфолтнага. Пры гэтым дэфолтам лічыцца няздольнасць пагасіць свае крэдытныя абавязацельствы. У сваю чаргу Беларусь мае фінансавую магчымасць плаціць па даўгах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
У чым захоўваць зберажэнні? Савет віцэ-прэзідэнта Міжнароднага банка
РФ перанесла выплату $1,4 млрд доўгу Беларусі
Даходы ад валютных аперацый у банкаў Беларусі рэзка выраслі
Знешні доўг знізіўся ва ўсіх краінах ЕАЭС у працэнтах да ВУП
Яшчэ адзін расійскі банк будзе фінансаваць беларускі экспарт
Стужка навiн
0