Еўра прынялі з кошыка валют, што будзе з асабістымі зберажэннямі?
12:58 14.12.2022 (абноўлена: 13:32 14.12.2022)
© Sputnik / Евгений Биятов
/ Падпісацца
Рашэнне Нацбанка Беларусі вядомы расійскі эксперт назваў планамерным крокам адмовы ад валют, якія дыскрэдытавалі сябе – еўра і долара.
МІНСК, 14 сне – Sputnik. У снежні Нацыянальны банк Беларусі прыняў рашэнне аб выключэнні еўра з валютнага кошыка. Ці варта захоўваць асабістыя зберажэнні ў еўра, расказаў кіраўнік Цэнтра беларускіх даследаванняў інстытута Еўропы РАН, доктар эканамічных навук Мікалай Мяжэвіч у мультымедыйным прэс-цэнтры Sputnik Беларусь.
У Нацбанку патлумачылі такі крок тым, што апошнім часам тавараабарот з краінамі Еўрапейскага саюза скараціўся і разлікі ў еўра зменшыліся.
"Думаю, што гэта частка плана, які ўзгоднены не толькі кіраўнікамі Нацбанка Рэспублікі Беларусь і Цэнтрабанка Расіі, але і самімі прэзідэнтамі дзвюх краін", - сказаў Мяжэвіч.
Паводле яго слоў, фактычна еўра як валюта страціла былую актуальнасць. Тым больш што ў рамках Саюзнай дзяржавы Беларусі і Расіі, з партнёрамі па ЕАЭС на першае месца ў якасці разліковай адзінкі выходзіць расійскі рубель. На яго долю прыпадае да 60% усіх разлікаў.
"Гэта смелае рашэнне, і я б сказаў, дэманстратыўнае ў пэўнай ступені. Але ў аснове ляжыць цалкам зразумелая эканамічная логіка. Еўропа на сённяшні дзень сабе ў шкоду ахвяруе гандлёва-эканамічнымі сувязямі з Рэспублікай Беларусь, як, зрэшты, і з Расіяй. Што гэта значыць? Нам няма неабходнасці трымаць еўра ў кошыку валют", - сказаў Мяжэвіч.
Амбіцыйны крок Еўропы, калі яна яшчэ толькі ўвяла ўласную валюту, у ЗША расцанілі неадназначна. Бо бачылі ў еўра канкурэнцыю долару. Цяперашні эканамічны спад у ЕС, імклівая інфляцыя, разрыў гандлёва-эканамічных сувязей з Расіяй і Беларуссю, безумоўна, аслабілі "еўрапейца", што асабліва выгадна ЗША. Фактычна амерыканцы ўстараняюць канкурэнта. На гэтым фоне ў еўра вельмі туманная будучыня.
"У аснове еўра ляжала заходнегерманская марка, якая зноў жа была рэгіянальнай валютай. Але, па крайняй меры, там было зразумела: марка была забяспечана з эканамічнага пункта гледжання нацыянальным багаццем Заходняй Германіі. Што ляжыць у аснове еўра? Якія багацці – эстонскія, балгарскія, румынскія? Гэта не зусім зразумела", - сказаў эксперт.
Што будзе з асабістымі зберажэннямі
Доктар эканамічных навук выказаў меркаванне, што "калі вы не плануеце паездку ў ЕС, то сэнсу асаблівага ў еўра няма".
"На фоне тых эканамічных паказчыкаў Еўропы, якія мы бачым, шэраг еўрапейскіх краін, не аб’яўляючы крызіс, упаўзае ў гадавую інфляцыю пад 25-27%. Ці трэба нам захоўваць зберажэнні ў гэтай валюце?" - адзначыў доктар эканамічных навук.
На думку эксперта, рашэнне аб выключэнні еўра з кошыка валют не паўплывае на курс рубля.
"У вельмі няпростых умовах кіраўніцтва Нацбанка дабілася, ну, як мінімум, добрых паказчыкаў агульнаэканамічнай і манетарнай устойлівасці беларускага рубля", - сказаў Мяжэвіч.
Што да амерыканскага долара, то, як мінімум, у бліжэйшай перспектыве ён захавае пазіцыі сусветнай валюты. Хаця рэпутацыйныя страты ў "амерыканца" вельмі вялікія, асабліва "пасля канфіскацыі расійскіх і беларускіх, іранскіх і венесуэльскіх актываў".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Да чаго прывядзе выключэнне еўра з кошыка валют: аналіз і прагнозы
У чым захоўваць зберажэнні? Савет віцэ-прэзідэнта Міжнароднага банка
Даходы ад валютных аперацый у банкаў Беларусі рэзка выраслі
ЕЭК назвала магчымую долю разлікаў у нацвалютах да канца года
Стабілізацыя ці зацішша перад бурай: што будзе з доларам?
