Новы кіраўнік МЗС назваў прыярытэты знешняй палітыкі

© Sputnik / Дмитрий МарковПрэм'ер Раман Галоўчанка прыбыў у МЗС, каб прадставіць калектыву ведамства міністра замежных спраў Сяргея Алейніка
Прэм'ер Раман Галоўчанка прыбыў у МЗС, каб прадставіць калектыву ведамства міністра замежных спраў Сяргея Алейніка - Sputnik Беларусь, 1920, 14.12.2022
Падпісацца на
НовостиTelegram
Раней Сяргей Алейнік быў першым намеснікам міністра замежных спраў, а пасля раптоўнай смерці Уладзіміра Макея ўзначаліў ведамства.
МІНСК, 14 сне – Sputnik. Праца па пераарыентацыі экспарту і мінімізацыі выдаткаў ад уведзеных абмежаванняў будзе працягнута, пра гэта заявіў міністр замежных спраў Беларусі Сяргей Алейнік.
У сераду прэм’ер-міністр краіны Раман Галоўчанка прадставіў калектыву знешнепалітычнага ведамства новага міністра замежных спраў Сяргея Алейніка.
Як заявіў кіраўнік МЗС, прыярытэты знешняй палітыкі Беларусі застаюцца нязменнымі. Галоўнае, паводле яго слоў, - захаванне і ўмацаванне суверэнітэту краіны, а таксама эканамічнага патэнцыялу. Яшчэ адзін прыярытэт – павышэнне дабрабыту грамадзян.
Алейнік дадаў, што ў аснову ставіліся і ставяцца знешнеэканамічныя інтарэсы. У тым ліку гэта геаграфічная і таварная дыверсіфікацыя экспарту. Паводле яго слоў, працягнецца пераарыентаванне паставак, якія раней ішлі ва Украіну і ў заходнія краіны.
Таксама дыпламат заявіў, што ўдзячны прэзідэнту Беларусі за аказаны давер.
"Усведамляю, што гэта вялікая адказнасць", - адзначыў Алейнік.

Новы міністр

Сяргей Алейнік з лютага 2022 года займаў пасаду першага намесніка міністра замежных спраў. Указ аб яго прызначэнні на галоўную пасаду ў МЗС быў падпісаны 13 снежня.
Новы міністр мае ранг Надзвычайнага і Паўнамоцнага Пасла. Валодае англійскай і нямецкай мовамі. Жанаты, у яго двое сыноў.
Нарадзіўся ў 1965 годзе ў Мінску. Скончыў перакладчыцкі факультэт Мінскага дзяржаўнага педагагічнага інстытута замежных моў. Таксама вучыўся ў Дыпламатычнай акадэміі пры МЗС Аўстрыі. У беларускім знешнепалітычным ведамстве працуе з 1992 года. Быў паслом у Вялікабрытаніі, пастаянным прадстаўніком пры Міжнароднай марской арганізацыі, паслом у Ірландыі па сумяшчальніцтве.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка прызначыў новага міністра замежных спраў
Аляксандр Лукашэнка развітаўся з Уладзімірам Макеем
Макей прапанаваў распрацаваць дакумент аб узаемаадносінах краін праз ААН
Стужка навiн
0