Францыя выйшла ў фінал ЧС па футболе, у Парыжы перамогу адзначылі сутыкненнямі

© Sputnik / Григорий Сысоев / Перайсці ў медыябанкФутбол. ЧС-2022. Матч Францыя - Марока
Футбол. ЧС-2022. Матч Францыя - Марока - Sputnik Беларусь, 1920, 15.12.2022
Падпісацца на
НовостиTelegram
Зараз французаў чакае схватка ў фінале мундыялю са зборнай Аргенціны.
МІНСК, 15 сне – Sputnik. Зборная Францыі па футболе выйшла ў фінал чэмпіянату свету ў Катары, абгуляўшы каманду Марока, перадае Sputnik.
Сустрэча паўфіналістаў прайшла на стадыёне "Эль-Байт" і завяршылася лікам 2:0 на карысць французаў.
Дзеючыя чэмпіёны забілі першы гол на пятай хвіліне – вызначыўся Тэа Эрнандэс. Другі мяч у вароты мараканцаў на 79-й хвіліне забіў гулец французскай зборнай Рандаль Кола-Муані.

Сутыкненні з паліцыяй

Пасля паўфіналу ў Парыжы балельшчыкі сталі збірацца на Елісейскіх палях, каб адсвяткаваць перамогу. Яны запускалі салюты, палілі фаеры. Паліцыя накіравала на месца збору футбольных фанатаў удвая больш вартавых парадку, чым у іншыя дні матчаў.
Спачатку святкаванне перамогі праходзіла мірна, аднак ужо ноччу балельшчыкі пачалі кідаць у праваахоўнікаў бутэлькі і фаеры, пасля чаго паліцыя пачала адціскаць натоўп. Для разгону агрэсіўна настроеных фанатаў былі выкарыстаны гумавыя кулі.
Сутыкненні адбыліся таксама ў Ніцы, там паліцыі для ўціхамірвання фанатаў прыйшлося прымяніць слёзатачывы газ.
Фінал ЧС-2022 у Катары пройдзе 18 снежня. На стадыёне "Лусаіл Айканік" пройдзе вырашальны матч паміж зборнымі Аргенціны і Францыі. Абедзве каманды – двухразовыя чэмпіёны свету. Французы перамагалі ў 1998 і 2018-м, аргенцінцы – у 1978 і 1986-м.
Днём раней у матчы за трэцяе месца згуляюць зборныя Марока і Харватыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Усё нераспрададзенае на ЧС у Катары піва дастанецца пераможцу
Самыя гарачыя фанаткі футбола ў Катары – фота
Зборная Аргенціны выйшла ў фінал чэмпіянату свету па футболе
Стужка навiн
0