Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Беларускія дзеці адправяцца на навагоднюю ёлку ў Крэмль

© Sputnik / Евгения НовоженинаДзеці падчас навагодняга прадстаўлення ў Дзяржаўным Крамлёўскім палацы
Дзеці падчас навагодняга прадстаўлення ў Дзяржаўным Крамлёўскім палацы - Sputnik Беларусь, 1920, 27.12.2022
Падпісацца на
НовостиTelegram
Больш за 30 школьнікаў з Мінска атрымалі шанс пабываць у Крамлёўскім палацы, наведаць Зброевую палату і пабываць на Паклоннай гары.
МІНСК, 27 сне – Sputnik. Пераможцаў конкурсу "Кремлевская ёлка" запрасілі на навагодні паказ у Крэмль, паведаміла Sputnik пасольства Расіі ў Беларусі.
Дэлегацыя, у складзе якой 35 беларускіх школьнікаў, адправіцца на цягніку з Мінска ў Маскву 2 студзеня.
Для дзяцей падрыхтавалі насычаную праграму: спачатку экскурсію па Маскве, затым навагодні паказ з Дзедам Марозам у Вялікім Крамлёўскім палацы, экскурсія ў Зброевую палату, а таксама гістарычная праграма на Паклоннай гары.
Паездку на навагодняе свята ў расійскую сталіцу яшчэ 1 верасня анансаваў пасол РФ у Беларусі Барыс Грызлоў.
Запрашальныя білеты на ёлку змаглі атрымаць самыя мэтанакіраваныя беларускія школьнікі малодшых класаў і тыя, хто паказаў высокія дасягненні ў вучобе і грамадскім жыцці.
"Акцыя нацэлена на выяўленне і заахвочванне маладых талентаў, умацаванне гуманітарных сувязей, пашырэнне прамых кантактаў сярод школьнікаў і моладзі Саюзнай дзяржавы", - адзначылі ў расійскім дыппрадстаўніцтве.
Каб патрапіць на ёлку ў Крамлі, 85 навучэнцаў падрыхтавалі тэматычныя малюнкі і сачыненне. Але толькі 35 рабят змаглі атрымаць запрашэнні – іх асабіста ўручыў пасол РФ.
Па словах Грызлова, многія расійскія арганізацыі падключыліся да гэтага праекта. У прыватнасці, РЧ прапанавала спецыяльны вагон для ўдзельнікаў "Кремлевской ёлки", які будзе далучаны да цягніка Мінск – Масква і Масква – Мінск.
Харчаванне, экскурсійную праграму і транспартнае суправаджэнне ўзяў на сябе цэнтр сацыяльна-кансерватыўнай палітыкі ў Маскве.
"Упэўнены, што ў хлопчыкаў і дзяўчынак застануцца самыя цёплыя ўспаміны аб гэтым свяце", - адзначыў Барыс Грызлоў, яго цытуе прэс-служба пасольства РФ у Беларусі.
Акрамя паездкі ў Крэмль, у 2023 годзе для беларускіх старшакласнікаў арганізуюць паездку ў Санкт-Пецярбург на фестываль "Алые паруса". Ён пройдзе у канцы чэрвеня.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Пераднавагодні настрой у зімовых вершах: "Дзеда лепім мы са снегу!"
Час казак у тэатрах: што паглядзець у Мінску на канікулах
Якім будзе 2023 год: самы дакладны прагноз ад Аляксандра Лукашэнкі
Вандроўкі на Новы год – 2023: куды паехаць беларусу і колькі гэта каштуе
Стужка навiн
0