Сярэдні заробак беларусаў вырас амаль на 12 рублёў

© Sputnik / Виктор ТолочкоКашалёк з грашыма
Кашалёк з грашыма - Sputnik Беларусь, 1920, 01.01.2023
Падпісацца
Больш за ўсё работнікі атрымліваюць у Мінску, найвышэйшы паказчык сярод рэгіёнаў – у сталічнай вобласці.
МІНСК, 1 сту – Sputnik. Сярэдняя заработная плата ў Беларусі ў лістападзе склала 1 648,2 рубля, паведамляе Нацыянальны статыстычны камітэт рэспублікі.
Гэта амаль на 12 рублёў больш, чым месяцам раней – у кастрычніку гэты паказчык быў 1 636,4 рубля.
У доларавым эквіваленце лістападаўская зарплата беларусаў складала 612 долараў (па курсе Нацбанка на канец снежня 2022 года - Sputnik). Нагадаем, намінальная налічаная заработная плата – гэта "брудная", гэта значыць яшчэ без выліку падаходнага падатку і адлічэнняў у ФСАН.
Самую высокую планку па заробку традыцыйна трымае сталіца – у Мінску ў лістападзе работнікі атрымалі ў сярэднім 2 232,8 руб. На другім месцы Мінская вобласць – 1 644,4 руб, на трэцім Гродзенская вобласць – 1 490,9 руб.
Далей ідуць Гомельская вобласць – 1 484,8 руб, Брэсцкая – 1 470,6 руб, Віцебская – 1 392,2 руб і Магілёўская – 1 360,4 руб.

У каго заробак большы за 2 тысячы?

Лідарам сярод галін застаецца IT-сектар: сярэднія заробкі ў лістападзе тут былі на ўзроўні 4 471 руб.
Больш за 2 тысячы рублёў таксама атрымліваюць работнікі, занятыя ў фінансавай і страхавой дзейнасці, навукова-тэхнічнай дзейнасці – 2 469,1 і 2 147,5 руб адпаведна.
У сельскай гаспадарцы, лясной і рыбнай галіне заробкі выраслі больш чым на 30 рублёў у сярэднім – цяпер 1 331,2 руб.
У прамыслоўцаў у разліках у сярэднім такая сума – 1 832,2 руб, у будаўнікоў – 1 780 руб.
Самы нізкі паказчык у сферы адукацыі – 1 127,6 руб.

"Мінімалка" – больш

Нагадаем, памер месячнай мінімальнай заработнай платы зменіцца ў Беларусі з 1 студзеня 2023 года і складзе 554 рублі.
Ніжэй за гэтую планку працадаўцы не маюць права ўстанаўліваць заробкі супрацоўнікам. Выключэнне – працоўныя адносіны па дагаворы падраду.
Таксама вырастуць заробкі ў работнікаў бюджэтнай сферы, паколькі з 1 студзеня павялічваецца памер базавай стаўкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Даходы беларусаў працягваюць падаць: ужо "мінус" 3,6%
Лукашэнка заняўся зарплатамі сілавікоў
Улады паабяцалі, што да снежня беларусы ўбачаць рэальнае павышэнне зарплат
Стужка навiн
0