Улады паабяцалі, што да снежня беларусы ўбачаць рэальнае павышэнне зарплат

© SputnikБеларускія і расійскія грошы
Беларускія і расійскія грошы - Sputnik Беларусь, 1920, 06.10.2022
Падпісацца на
НовостиTelegram
Выступаючы на нарадзе, першы віцэ-прэм’ер Снапкоў расказаў прэзідэнту Беларусі, што інфляцыя заўсёды суправаджае эканамічны рост.
МІНСК, 6 кас – Sputnik. У Беларусі спынілі зніжэнне даходаў, аб гэтым першы віцэ-прэм’ер Мікалай Снапкоў заявіў Аляксандру Лукашэнку на нарадзе па эканамічнай сітуацыі ў краіне.
Снапкоў расказаў аб інфляцыі за апошнія 10 гадоў: з 2012 па 2021 гады ў сярэднім яна склала 11%. Пры гэтым ён звярнуў увагу, што раней было яшчэ горш – звыш 20% з 2002 па 2011 гады.
"Мая асноўная задача – эканамічны рост. І гэта важней нават, чым усплёскі інфляцыі", - заявіў першы віцэ-прэм’ер.
Ён таксама адзначыў, што далёка не ўсе тавары падаражэлі: так, на 10% выраслі цэны на 75% пазіцый з пераліку штодзённага спажывецкага попыту. Снапкоў запэўніў, што ўлады "ўсімі сіламі імкнуцца стрымліваць інфляцыю", але прызнаецца, што "не ўсе рэзервы былі задзейнічаны.

Зарплата не падае – ужо добра

Выступаючы перад прэзідэнтам, Мікалай Снапкоў адзначыў, што хутка беларусы адчуюць павышэнне зарплат.
"Зніжэнне даходаў мы спынілі. З улікам заданняў, якія мы давялі да ўсіх органаў дзяржкіравання, мы бачым, што да снежня мы выйдзем на рэальны рост заработнай платы. Рэзервы тут ёсць", - паабяцаў ён.
Да таго ж Аляксандр Лукашэнка даручыў: не толькі рост зарплат павінен быць, але трэба "выйсці на нармальную інфляцыю".

Лукашэнка забараніў рост цэн

У чацвер прэзідэнт Беларусі падчас нарады ўрада звярнуў увагу на інфляцыю ў Беларусі. Ён адзначыў, што рэальныя даходы беларусаў за год упалі на 3%, цэны, паводле яго звестак, выраслі на 13%, і заявіў, што вымушаны ўмяшацца ў сітуацыю.
Лукашэнка паставіў задачу на наступны год: інфляцыя ў краіне не павінна перавысіць 7-8%.
З 6 кастрычніка беларускі лідар забараніў павышэнне цэн у краіне і прыгразіў усім, хто не паслухаецца, крымінальным пакараннем:
"З 6-га чысла забараняецца ўсякі рост цэн. За-ба-ра-ня-ец-ца! З сённяшняга дня. Не з заўтрашняга дня, а з сённяшняга", - запатрабаваў Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка даручыў забараніць павышэнне цэн
Лукашэнка не разумее, чаму растуць цэны на беларускія тавары
Лукашэнка лічыць, што санкцыі Захаду не дасягнулі сваіх мэт
Урад забараніў вывозіць з Беларусі некаторыя прамтавары
Золатавалютныя рэзервы Беларусі знізіліся амаль на $100 мільёнаў
Стужка навiн
0