Нобелеўскага лаўрэата Бяляцкага пачалі судзіць у Мінску

© Sputnik / Тамара БеляеваАлесь Бяляцкі, Валянцін Стэфановіч, Уладзімір Лабковіч у судзе
Алесь Бяляцкі, Валянцін Стэфановіч, Уладзімір Лабковіч у судзе - Sputnik Беларусь, 1920, 05.01.2023
Падпісацца на
НовостиTelegram
У крымінальнай справе размова ідзе аб кантрабандзе больш за 250 тысяч долараў, выдзеленых замежнымі арганізацыямі на пратэсты ў Беларусі.
МІНСК, 5 сту – Sputnik. Суд Ленінскага раёна сталіцы пачаў разгляд крымінальнай справы ў дачыненні да Нобелеўскага лаўрэата, лідара ліквідаванага ў Беларусі праваабарончага цэнтра "Вясна" Алеся Бяляцкага, перадае карэспандэнт Sputnik.
Па гэтай справе праходзяць яшчэ тры абвінавачаныя. Двое, як і Бяляцкі, знаходзяцца пад вартай і дастаўлены ў суд пад канвоем. Абвінавачаным пагражае ад 7 да 12 гадоў пазбаўлення волі.
Крымінальная справа Алеся Бяляцкага, Валянціна Стэфановіча, Уладзіміра Лабковіча і Дзмітрыя Салаўёва была перададзена Генпракуратурай у суд у канцы лістапада.
Суд аб’явіў, што крымінальная справа ў дачыненні да чацвёртага абвінавачанага Дзмітрыя Салаўёва, які знаходзіцца за межамі Беларусі, будзе разглядацца ў парадку спецыяльнай вытворчасці – адбудзецца завочны суд.
На працэс прыйшлі знаёмыя і блізкія абвінавачаных.
У самым пачатку суда Бяляцкі заявіў хадайніцтва аб тым, каб суд ішоў на беларускай мове, адзначыўшы, што пракурор таксама павінен выкарыстоўваць у судзе беларускую мову. Абарона падтрымала дадзенае хадайніцтва.
Дзяржаўны абвінаваўца заявіў, што ў краіне дзве дзяржаўныя мовы.
Суд, раючыся на месцы, пастанавіў, што суд будзе весціся на рускай мове, але абвінавачаныя могуць выкарыстоўваць любую з дзяржаўных моў.
"Абвінавачаным было прад’яўлена абвінавачанне на рускай мове. (...) вы можаце выкарыстоўваць любую з дзвюх дзяржаўных моў, суд вас зразумее", - сказала суддзя.
Бяляцкі заявіў яшчэ адно хадайніцтва – прадаставіць перакладчыка з расійскай мовы на беларускую. Суд дадзенае хадайніцтва не задаволіў.
Таксама Бяляцкі і Стэфановіч заявілі, што просяць зняць іх наручнікі, аднак суд патлумачыў, што гэта кампетэнцыя канвою.

Час на азнаямленне са справай

Яшчэ адным хадайніцтвам Бяляцкага было даць яму час на азнаямленне з матэрыяламі справы. Па яго славах, у справе больш за 280 тамоў, а ён азнаёміўся толькі з 80.
Суд заявіў, што ў Бяляцкага было дастаткова часу (месяц) для азнаямлення з матэрыяламі справы, і няма падставы для прадастаўлення яму дадатковага часу для азнаямлення.
Бяляцкі заявіў адвод суддзі. Сваё хадайніцтва аб адводзе старшынствуючага суддзі Бяляцкі матываваў тым, што суддзя адмовіла яму ў прадастаўленні дадатковага часу для азнаямлення з матэрыяламі справы і хоча паскорыць судовы працэс.
Суд адхіліў гэтае хадайніцтва як неабгрунтаванае.
У сваю чаргу пракурор папрасіў суд далучыць да справы інфармацыю аб тым, што абвінавачаны Салаўёў схаваўся ад суда і следства.
Акрамя гэтага, дзяржаўны абвінаваўца паведаміў, што па справе праходзіць больш за 100 сведак, некаторыя з іх таксама знаходзяцца за межамі краіны.

Мера стрымання не зменена

Адвакат Бяляцкага заявіла хадайніцтва аб змяненні яму меры стрымання на менш ізаляцыйную - яна просіць прымяніць хатні арышт або залог.
Пракурор у сваю чаргу заявіў, што "матэрыялы справы сведчаць аб тым, што Бяляцкі можа схавацца ад правасуддзя", і ён "не бачыць падстаў для змянення яму меры стрымання".
Суд адмовіў у задавальненні хадайніцтва адваката Алеся Бяляцкага змяніць яму меру стрымання на не звязаную з пазбаўленнем волі і прыняў рашэнне пакінуць Бяляцкага пад вартай.
Абаронца абвінавачанага Стэфановіча таксама заявіў хадайніцтва аб змене яму меры стрымання. Суд не адпусціў Стэфановіча з-пад варты і распачаў судовае следства.
Пракурор пачаў абвяшчаць абвінавачанне.

У чым абвінавачваюць

Бяляцкі абвінавачваецца ў тым, што з красавіка 2016-га па ліпень 2021-га, дзейнічаючы ў складзе арганізаванай групы ў якасці кіраўніка, у Мінску, а таксама ў пунктах мытнага афармлення ў Беларусі, а таксама ў Літве і Польшчы перавёз праз мяжу буйную суму грошай для дэстабілізацыі абстаноўкі ў краіне.
У абвінавачанні таксама ўказваецца, што Бяляцкі, будучы дырэктарам арганізацыі "Pavasaris", зарэгістраванай у Літве, дзейнічаў у Беларусі ад імя ліквідаванага ГА "ПЦ "Вясна", перавёз гатоўкай у агульнай суме не менш як 201 487,66 еўра і 54 895,59 долараў. ЗША, якія былі выдзелены замежнымі арганізацыямі-донарамі ў якасці замежнай дапамогі, накіраванай на дэстабілізацыю палітычнай абстаноўкі ў Беларусі.
У 2022 годзе Бяляцкі разам з расійскай і ўкраінскай праваабарончымі арганізацыямі стаў лаўрэатам Нобелеўскай прэміі міру.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
КДБ абнавіў "тэрарыстычны спісак" яшчэ пяццю прозвішчамі
СК завяршыў завочнае следства па справах Цапкалы і Астапенкі
Мінск накіраваў РФ шэсць спраў у дачыненні да падазроных у экстрэмізме расіян
Спартсменцы Герасімене ў Беларусі завочна вынесены прыгавор
Генпракуратура накіравала ў суд справу Ціханоўскай і Латушкі
Стужка навiн
0