Парадак выплаты пенсій зменяць у Беларусі

© Sputnik / Максим Блинов / Перайсці ў медыябанкПенсіянеры, архіўнае фота
Пенсіянеры, архіўнае фота - Sputnik Беларусь, 1920, 09.01.2023
Падпісацца на
НовостиTelegram
Папраўкі ў заканадаўства аб пенсіях і сацабслугоўванні паступілі ў парламент, і па адной з норм банкі стануць асноўным аператарам выплат для некаторых пенсіянераў.
МІНСК, 9 сту – Sputnik. Законапраект "Аб змяненні законаў па пытаннях сацыяльнага абслугоўвання" ўнесены ў Палату прадстаўнікоў Беларусі, вынікае са звестак сайта ніжняй палаты парламента.
Папраўкі датычацца, у тым ліку, закона "Аб пенсіённым забеспячэнні". Змяняецца норма аб тым, дзе можна атрымліваць пенсію. У дзеючай версіі гаворыцца, што ёсць выбар паміж поштай, банкам і арганізацыямі, "якія ажыццяўляюць дзейнасць па дастаўцы пенсій".
У новай пакінуты толькі адзін варыянт – банк. Але ёсць выключэнні. Па-ранейшаму выбіраць паміж згаданымі варыянтамі атрымаюць права:
пенсіянеры ва ўзросце 70 гадоў і старэйшыя у Мінску, у райцэнтрах і гарадах абласнога падпарадкавання;
ад 65 гадоў і старэйшыя – у іншых населеных пунктах;
інваліды І і ІІ груп.
Гэта значыць, новая версія закона памяншае колькасць пенсіянераў, якія могуць хадзіць па пенсію на пошту. У дакуменце таксама ёсць папраўкі ў закон "Аб сацыяльным абслугоўванні". Напрыклад, поўнасцю абноўлена тэрміналогія.
Таксама прапісаны прынцыпы сацыяльнага абслугоўвання. У прыватнасці, гэта гуманнасць і паважлівыя адносіны, недапушчэнне дыскрымінацыі, даступнасць сацабслугоўвання, незалежна ад месца жыхарства, і іншае.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка павялічыў пенсіённы бюджэт Беларусі
Пенсіянер жыве сціпла: купляе простыя прадукты і адзенне, заявіў Лукашэнка
Амаль 5 тысяч беларусаў пачалі збіраць на "другую" пенсію
Украінцы, якія прыбылі ў Беларусь, змогуць атрымліваць пенсіі і дапамогу
Стужка навiн
0